Петерфельд селосының тұрғыны ірі көлемдегі есірткі затын жасыруға да тырыспапты. Қарапайым пакетке салып, жолға шыққан. Дегенмен бірден полицейлердің күдігін тудырыпты. Тексеріс барысында 29 жасар жігіттің сөмкесінен салмағы 2 келі 20 грамм марихуана табылған. Оның өзі де есірткі затын қабылдапты. Қазіргі уақытта аталмыш іс тергелу барысында.
Қанат Омаров, Петропавл станциясындағы желілік ішкі істер бөлімі бастығының орынбасары:
– Күдікті 16-шы қаңтар күні ұсталды. Тұрақты жұмысы жоқ екені анықталды. Мұндай заңға қайшы әрекеті үшін оның 3 жылдан 7 жылға дейін бас бостандығынан айырылуы мүмкін.
Күдікті бұған дейін ұрлық үшін қылмыстық жауапкершілікке тартылыпты.
Инеш Шоқақова