Есірткі сатушы ұсталды

Құқық қорғау органдары

14:23 17 Қаңтар 2013

Полицейлердің бұл азаматтың ізіне түскеніне 2 ай болған. Тәртіп сақшыларының күдігі расталып, сезікті есірткіні өткізіп жатқанда қолға түсті. Бұл азаматтан 6 келіге жуық кептірілген марихуана табылды.

 Қанат Омаров, Петропавл бекетіндегі желілік ішкі істер бөлімі бастығының орынбасары:
-Жедел іздестіру шарасы барысында ірі көлемдегі кептірілген марихуанамен облыс орталығының тұрғыны ұсталды. Пәтерін тінту кезінде 3 жол сөмкесіне салынған «марихуана» және есірткі затын сатудан түскен ақша табылып, тәркіленді.

Ұсталған 29 жастағы Петропавл қаласының тұрғыны есірткі затын қабылдайтын болып шықты. Үйінде табылған улы затты да өзі үшін алғанын айтып ақталуға тырысқан.

Қанат Омаров, Петропавл бекетіндегі желілік ішкі істер бөлімі бастығының орынбасары:
-Бұл факті бойынша ҚР ҚК 259 бабының 3-тармағына сәйкес қылмыстық іс қозғалды. Тергеу амалдары жүргізілуде. Ұсталған азамат уақытша ұстау изоляторына қамалды.

Күдікті заңсыз әрекеті үшін 10-нан 15 жылға дейін бас бостандығынан айырылуы мүмкін. Бұл ағымдағы жылы тіркелген есірткі затын сатудың алғашқы оқиғасы. Жалпы, өткен жылы улы затты өткізудің 10 фактісі тіркеліп, 10 кг-ға жуық түрлі есірткі заты тәркіленген.

Айдана Демесінова

Бұдан әрі оқыңыз

Петропавлда жол-көлік апаты орын алды
Өңір тұрғындары 47 бірлік қару тапсырды
Полицейлер ойнап жүріп жоғалып кеткен 6 жасар баланы тапты
Заманауи бейнекамералардың көмегімен 1 мыңнан аса құқықбұзушылық анықталды
Петропавлда қомақты көлемде ақша ұрлаған ұры ұсталды
СҚО-да ірі көлемде марихуана тәркіленді
Қоғамдық тамақтану орындарының жұмысы – қатаң бақылауда
СҚО-да мас күйде көлік жүргізген 19 адам құрықталған
СҚО-да иісшіл иттердің көмегімен 600-ден астам қылмыс әшкереленген
“Жолда қабылдау” акциясы өтті
Медицина қызметкерлеріне гуманитарлық көмек көрсетілді
Заңсыз айналымнан 500 литрден аса алкоголь алынды