Мейбукан Годзю-рю карате-до. Алматыда каратеден өткен жарыс осылай аталады. Аймақтық турнирге облысымыздан 13 оқушы барған. Жас спортшылардың жаттықтырушысы Евгений Максимов аталған дода тәжірибе алмасуда көп септігін тигізді дейді.
Евгений Максимов, №17 ұлттық өркендеу мектеп-кешенінің карате-додан жаттықтырушы-инструкторы:
–Республикалық семинардан біз өзімізге қажет көп мағлұмат алдық. Онда мейбукан годзю-рю карате бойынша дәстүрлі Кинав қаруы «саймен» қалай меңгеру керектігінен сабақтар өтті. Аймақтық турнир екі бөлімнен тұрды: ката және кумитэ.
Жерлестеріміз бәсекелі додада каратенің кумитэ бөлімі бойынша командалық есепте екінші орыннан көрінген. 7 жасар Гриша Григораш бұл сында топ жарып, құрамасына қосымша ұпайлар әперді. Оның бұл спортқа ден қойғанына 2 жыл болыпты.
Гриша Григораш, Мейбукан Годзю-рю Карате-додан аймақтық турнирдің жүлдегері:
– Жарыста тәжірибелі спортшылар өте көп болды. Сондықтан да маған сәл қиын болды. Бұл менің Алматыда өткен жарысқа алғаш рет баруым.
Ал тоғыз жасар Александр Пацер 4 жылдан бері каратэ секциясына қатысады. Осы кезге дейін жеткен жетістіктері де аз емес. Дегенмен бұл жолғы сайыста ол 3-ші орынды қанағат тұтқан.
Александр Пацер, Мейбукан Годзю-рю Карате-додан аймақтық турнирдің жүлдегері:
–Менің осы кезге дейін алған медальдарымның саны – 11. Көп жарыстарға қатыстым. Негізінен қоржынымда бірінші орын жүлделері көп. Маған каратэ өте ұнайды. Болашақта жаттықтырушы болғым келеді.
Жалпы бұл додадан спортшылар 8 алтын, 2 күміс және 3 қола медаль олжалап қайтқан. Қазір олар ақпан айында Омбыда өтетін халықаралық жарысқа дайындық үстінде.
Әспет Әбдірешова