Аулалық клубтар арасындағы әскери-патриоттық жарыс

Балалар

13:43 8 Қаңтар 2013

Мына жеткіншектер демалыс кезіндегі уақыттарын көңілді әрі қызықты етіп өткізуде. Балалар мен жасөспірімдер клубтарына қатысатын оқушылар бүгін өзара командаларға бөлініп, спорттық эстафета ойындарында бақ сынасты.

 Инна Шинкина, «Жас батыр» балалар мен жасөспірімдер клубының мүшесі:
-Менің «Жас батыр» клубына келгеніме 4 жыл болды. Бос уақытымда осындай шараларға қатысамын. Көбінесе командамыз алдыңғы орындардан көрініп жатады. Бүгін де жеңістен үміттіміз.

Облыс орталығында барлығы 21 клуб бар. Онда 3200-ге жуық оқушы өз уақыттарын тиімді өткізеді.

 Абылайхан Рақымжанов, «Жас батыр» балалар мен жасөспірімдер клубының ұйымдастырушы-педагогы:
-Бүгін бізде «Әскери спецназ дайындайды» атты әскери-спорттық сайыс өтіп жатыр. Осындай сайыстар жалпы балалардың әскери-патриоттық тәрбиеге деген қызығушылығын арттырады және олардың бос уақытын пайдалы әрі қызықты өткізуге көмектеседі.

Спорттық ойын балалардың ептілігі мен шапшаңдығын бақылауға арналды. Сонымен қатар, спорттық сайыстан бөлек мұнда мақал-мәтел жарысы мен кімнің үй шаруасына ыңғайлы екенін бақылайтын сайыс өтті. Ойын нәтижесі бойынша «Қайсар» командасы үшінші орынды қанағат тұтса, «Жас батыр» ойыншылары екінші, ал «Родник» командасы бірінші орынға ие болды.

Тимур Несвельдинов, «Родник» балалар мен жасөспірімдер клубы командасының капитаны:
-Қарсыластарымыздың бәрі өте жақсы дайындықпен келген. Бүгінгі жарысқа қатысу арқылы одан өте жақсы әсер алдық. Демалыстың соңғы күнін қызықты өткіздік. Жеңіске жеткенімізге қуаныштымыз.

Ойынға қатысқандарға дипломдар мен бағалы сыйлықтар табысталды.

Әспет Әбдірешова

Бұдан әрі оқыңыз

«Малыш» бөбекжай-бақшасына – 50 жыл
“Жас өнертапқыштар” фестивалі өтті
Пәнаралық олимпиаданың қалалық кезеңі өтуде
НЗМ студенттері киіз басуды үйренуде
Өз ісінің үздіктері марапатталды
Өңір колледждерінде парасаттылық пен адалдық сағаты өтті
“Жас дарын” өнер мектебінде ашық сабақ өтті
Шаһарда заманауи шығармашылық фестивалі өтті
Облыстық қуыршақ театрында – премьера
Оқушылар жергілікті жазушылардың жаңа шығармаларымен танысты
Жерлес жас ақындар жүлделі оралды
Қалада киберспорттан топтық жарыс өткізілді