Ең алдымен жазғы спартакиаданы ұйымдастыруға өз үлесін қосқандар кубок, грамотамен марапатталды. Солардың ішінде облыстық жетім және ата-ана қамқорлығынсыз қалған балаларға арналған мектеп-интернат директоры Ризабек Какпенов те бар. Ол жасөспірімдер арасында спортты дамытуға өз үлесін қосқаны үшін ҚР Туризм және спорт министрлігінің төс белгісімен марапатталды.
Ризабек Какпенов, облыстық жетім және ата-ана қамқорынсыз қалған балаларға арналған мектеп-интернат директоры:
-Біздің интернатта 10 спорттық секция жұмыс істейді. Балалардың арасында спортты дамытуға көп көңіл бөлінуде.
Марапаттаудан кейін футбол алаңына бірінші болып, Петропавл құрылыс-экономикалық колледжінің командасы мен Бескөл ауылының “Парасат” мектеп-лицейінің құрамасы шықты. Ойын бірден тартысыты басталды. Қалалық құрама алғашқы таймда өздерінің мықты екендіктерін көрсетіп, бірінші болып есеп ашты. Үзілістен кейін ойын қайта жалғасты. 2 голды тағы да Петропавл құрылыс-экономикалық колледжінің командасы қарсыластарының қақпасына дарытты. Алайда екінші таймда “Парасат” мектеп-лицейінің құрамасы есепті теңестіріп үлгерді. Сөйтіп, ойын 3:3 есебімен аяқталды.
Ален Шалов, Қызылжар командасының капитаны, Бескөл аулы:
– ПСЭК-тен бастапқыда ұтылғанымызбен кейін есепті теңестіріп үлгердік.
Облыстық чемпионатқа ұлдардан 18 команда және қыздардан 14 құрама қатысуда. Тартысты доданың қорытындысы жексенбі күні белгілі болады.
Гүлбану Ахметова