Жол полициясының акциясы

Құқық қорғау органдары

14:12 30 Қазан 2012

Өз өмірлеріне бейжай қарамайтын балалар жолда жүру ережелерімен таныс, мұқият сақтайды. Дегенмен бұл ережелерге аса мән бермейтін жүргізушілер де бар. Акция олардың санын азайтуға бағытталып отыр. 9 ай ішінде облыста орын алған 286 жол-көлік оқиғасы 16 адамның өмірін қиды. Қайғылы оқиғалардың негізгі себептері – жол ережелерін сақтамау, мас күйде көлік жүргізу болып отыр. Сондықтан акцияны ұйымдастырушылар көлік құралына отырған жүргізушілерді ішімдіктен бас тартуға шақыруда.

Әсия Ибраева, СҚО ІІД ЖПБ инспекторы:
2011 жылы ішімдік ішкен жүргізушелердің кесірінен 12 жол-көлік оқиғасы орын алды. Биыл бұл көрсеткіш 2 есеге артты деуге де болады. 9 айда 1947 мас жүргізуші ұсталып, 1094 -і жүргізушілік куәліктерінен айырылды.

Қанат Бейсеновтың рөлге отырғанына 5 жыл. Ол жол ережесін бұзбауға тырысатын жүргізушілер қатарында. Сондықтан аталмыш акцияны құптап отыр.

 Қанат Бейсенов:
Мұндай акциялар керек. Әрине, көлік жүргізгенде ішімдік ішуге болмайды.

Алайда бұл қағиданы ұстанбайтын жүргізушілер де бар. Соның салдарынан 23 жол-көлік оқиғасы орын алыпты. 30 адам жарақаттанып, 8 адам көз жұмған. Жаяу жүргіншілердің де ішімдік ішіп, тәртіп сақтамай жол-көлік оқиғаларын тудыратыны жасырын емес. Биыл мұндай 17 факті тіркеліпті.

Инеш Шоқақова