Коммуналдық қызметтер бойынша қарыз мәселесі Үкімет отырысында қаралды

Аптадағы маңызды жаңалықтар

14:30 22 Қазан 2012

Республика азаматтарының коммуналдық қызметке қарызы 8 млрд теңгеге жеткен. Бұл 2010 жылға қарағанда 1,5 млрд-қа азайғаны. Берешектің ең көп бөлігі – 3,8 млрд теңге жылудың үлесінде жатыр. Солтүстік Қазақстан облысында да қуантарлық өзгеріс байқалмайды. 202 млн теңге әлі сол қалпында тұр. Аймақ басшысына есеп берген басқармалар  және кәсіпорындар басшылары берешекті қайтару бағытында жұмыс істеп жатырмыз деді.Бірақ, нәтиже көрінбейді. “СевҚазЭнергосбыт” серіктестігінде 313 тұтынушы айлап төлемейді екен. Кейбіреуінің 100 мың теңгеге дейін берешегі бар. Аталған кәсіпорын басшысы олардың пәтерлерін сатуды ұсынды. Жыл басынан бері тұрғындардан қарызды өндіріп алу үшін сотқа 140 млн теңгеге 2 426 арыз түсіпті. Соның 841-і ғана жүзеге асып, қызмет көрсетуші кәсіпорындарға 67 млн теңге қайтарылған. Серік Біләлов жұмысқа серпін беру қажеттігін айтты. Бұл жерде сот орындаушылары іске мықтап кірісулері керек.Қалалық борышкер азаматтардан аудандық ағайындар да қалар емес.Облыстық энергетика және коммуналдық шаруашылық басқармасының бастығы Антон Федяевтің мәлімдеуінше, Тайынша мен Аққайың аудандары қарызын толығымен өтесе, бірқатары әлі берешекті жаба алмай отыр. Мысалы, ең көп қарыз Ақжар ауданында жиналған. Облыс әкімі Серік Біләлов бұл мәселені түпкілікті шешу үшін барлық аудандар басшыларын, басқарма және кәсіпорын жетекшілерін, халық қалаулары мен сот орындаушыларды жиып, үлкен кеңес өткізуді тапсырды.

Серік Біләлов, СҚО әкімі:

-Қаланы жеке аудандарға бөліп қарауды ұсынамын. Борышкердің тұрғылықты мекен-жайын анықтап, бар мәліметті жинау қажет. Құр сөзді қойып, нақты іске кірісіңдер.

Данаш Хамзина

Бұдан әрі оқыңыз

СҚО-да қос бірдей шенеунік қызметінен босатылды
Жолдау жүктеген жаңа міндеттер
Биыл өңірде 270 ауыл жаңа кейіпке енеді
СҚО-дағы 7 ауданда карантин шаралары енгізілді
СҚО-да Аграрлық университет бой көтеруі мүмкін
Құс тұмауы СҚО-да 11 ауданда тіркелді
Қасым-Жомарт Тоқаевтың СҚО-ға жасаған іссапары
Президенттің кезекті жолдауы жарияланды
Өңірге қысқа қажет көмір қорының 60 пайызы жеткізілген
Облыс әкімі жұмыс сапарымен Тимирязев ауданында болды
Жедел жәрдем орталығы жаңа 18 қызметтік көлікпен толықты
Облыс орталығында іскер әйелдердің форумы өтті