Спорттағы қандай да бір жетістік тынымсыз еңбек пен ұзақ жаттығулардың арқасында келеді. Мұны жақсы түсінетін балалар осы кезден өз мүмкіндіктерін қалт жібермей, жақсы нәтижелер көрсетуге тырысуда. Каратэшілер арасында өткен турнирге 8 бен 11 жас аралығындағы спортшылар қатысты.
Раис Ямалтдинов, жарыстың бас төрешісі:
– Біз «Жекпе-жек» деп аталатын дәстүрлі облыстық ашық турнир өткізіп жатырмыз. Дода соңғы 6 жылдан бері жыл сайын ұйымдастырылады. Бұл балаларды алда тұрған сайыстарға дайындауға жақсы мүмкіндік.
Спортшылар каратэнің ката, кумитэ және командалық қабырға деп аталатын түрлері бойынша сынға түсті. Алдымен каратешілер жекпе-жекке шықпас бұрын, бір-бірден негізгі жаттығуларды айна-қатесіз көрсетулері керек. Бұл додада Кирилл Джумаға тең келгендер болмады.
Кирилл Джума, жарысқа қатысушы:
– Бұл жарыс аса қиын болған жоқ. Менің ендігі мақсатым – алдағы турнирде де бірінші орынға ие болып, жеңімпаз атану.
Спортшылар дайындалып жатқан ашық турнир Петропавлда қазанның 6-7-сі күндері өтеді. Онда Қазақстан
және Ресей спортшыларының арасында өзара мықтылар анықталмақ.
Әспет Әбдірешова