Қыркүйектің ортасынан бастап қаладағы бірқатар көпқабатты үйлердің тұрғындары ыстық су ағынының күрт төмендегенін аңғарған. Тіпті кейде су тек тамшылап ағатын көрінеді.
Су құбырларындағы қысымының төмендеуіне 4-насос стансасындағы жөндеу жұмыстары себеп. Алтынсарин және Алматы көшелерінің қиылысында жылу магистральдерінің диаметрлерін кеңейту қолға алынған.
Андрей Дубков, «Петропавл Жылу Желілері» ЖШС бас инженері:
– УН -1-13 торабы облыс орталығындағы 5 басты магистраль бойынша жылу таратады. Жөндеу жұмыстары уақытында соның 3-уін тоқтаттық. Инвестициялық бағдарлама бойынша оларды қалпы келтірмекпіз.
Ол үшін 40 млн теңгедей қаражат жұмсалмақ. Қажетті техника мен жұмыс күші жеткілікті.
Андрей Дубков, «Петропавл Жылу Желілері» ЖШС бас инженері:
– Жұмыс демалыс күндері де жүргізілуде. Құбырлардың диаметрлерін ұлғайту – су мөлшері мен жылу қуатының жоғарылауына септеспек. Сондай-ақ апаттық жағдайлар да азаймақ.
Жұмыс учаскесі шағын. Сондықтан жаңа жылыту маусымына дейін барлық істі еңсеру жоспарланған.
Инеш Шоқақова