Футболдан ел чемпионатында 16 команда екі топқа бөлініп, «Қарасай» мен «Жастар» стадионадарында өзара мықтыны анықтасты. Алаңға бірінші болып, Алматы қаласының “Қайрат-Академия” командасы мен Алматы облысының “Ақбұлақ” құрамасы шықты. Ойын бірден тартысты басталды. Екі команда да осал емес. Сондықтан болар 1 таймда екі команда да алма-кезек шабуылдаумен болды. Қарсыластардың қақпаға бағытталған доптары дарымай қойды. Сөйтіп, бірінші тайм 0:0мен аяқталды. 10 минуттық үзілістен кейін командалар қайта ойын алаңына шықты. Екінші таймда біріншіге қарағанда кездесуге жан біте түсті. “Қайрат-Академия” командасы қарсыластарына мықты екенін көрсете білді. Екінші таймның жартысында “Ақбұлақ” құрамасының қақпасына гол соқты. Сөйтіп, “Қайрат-Академия” бірінші болып есеп ашты. Көпке ұхамай екінші гол да “Ақбұлақ” командасының қақпасына соғылды. Ойын 2-0 есебімен, «Қайрат-Академияның» пайдасына шешілді. Екінші голды қарсыластарының қақпасына дарытқан Дарын Сүйіновтың футболмен айналысып жүргеніне 2 жылдың жүзі болыпты. Дарынның Петропавлға келіп, өнер көрсетуі алғаш рет.
Дарын Сүйінов, “Қайрат-Академия” командасының шабуылшысы:
-Біз бірінші таймда ұйқымыздан ояна алмай, екінші таймда жаттықтырушымыздың айтқан сөздерінен кейін жақсы ойнай бастадық.
Тартысты доданың жеңімпаздары 21 тамыз белгілі болмақ.
Гүлбану Ахметова