Тұзды көлдерден экологиялық таза тыңайтқыш алуға болады

Ауыл шаруашылығы

13:33 16 Шілде 2012


«Наносфера» ЖШС осыдан 5 жыл бұрын құрылған. Содан бері ұйым қоршаған ортаны қорғауға байланысты инновациялық жобалар әзірлеуде. Мәселен, тұзды көлдерден экологиялық таза сапропель тыңайтқышын алуды ұсынып отыр. Ол үшін көлдердің түбіндегі шөгінділердің органикасы анықталыпты. Бұл әдіс ауыл шаруашылығы саласы үшін маңызды жаңалық.

Наталья Белецкая, «Наносфера» ЖШС директоры:
– Сапропель дегеніміз – 15 пайыздан астам органикасы бар су түбіндегі шөгінділер. Тыңайтқыш жерді құнарландырады. Шөгінділерді алу қиын емес. Сондықтан бұл үлкен жаңалық деп ойлаймын.

Өзге өңірлерде қасиеті бар батпақпен емдеу орындарын табу және зерттеу қолға алынған. Біздің аймақта бұл іс баяу жүргізілуде. Ал сапасы мен емдік қасиеті бойынша жергілікті батпақтар алдыңғы орында дейді мамандар. «Наносфера» ЖШС қызметкерлері аталмыш мәселені де зерттеуде. Өзен-көлдердегі өзгерістер мен олардың жағдайы арнайы құралдардың көмегімен анықталады.

 Иван Фомин, «Наносфера» ЖШС бас маманы:
-Біз өзендер мен көлдерді, су қоймаларындағы оттегінің деңгейін әрдайым тексереміз. Судың тұздылығы мен мөлдірлігі де назардан тыс қалмайды. Нәтиже қуантарлық емес. Қазіргі таңда көлдердің жағдайы нашарлап барады деп те айтуға болады.

Кейбір өзен-көлдер тартылуда. Бұған климаттық өзгерістер себеп дейді ғалымдар.

Инеш Шоқақова

Бұдан әрі оқыңыз

Уәлихановтық шарулар 202 мың гектарға дән себеді
Малды көктемгі вакциналау шаралары жүргізілуде
Асылтұқымды сиырлар алғашқы ақты беруде
Ветеринарлар блокпосттардан өткізілетін тауарларды тексеруде
Өңірде егін егу науқаны қызу жүріп жатыр
Шаруаларға 19,6 млрд теңге жеңілдетілген несие ретінде берілді
Өңір омарташылары бал жинау маусымын бастады
Тұқым жаңарту – маңызды іс
Диқандар қарақұмық егуді бастады
Жергілікті тауарлар дүкен сөрелерінде алдыңғы қатарда тұруы тиіс
59 тонна бидай ұрланған
Солтүстікқазақстандық жас кәсіпкерлерге мемлекеттен қолдау көрсетілуде