Татулық отбасынан басталады

Қоғам

13:53 27 Маусым 2012


 Отау иесі 20 жыл бұрын Инна есімді орыс қызын кездестіріп, жанұя құрады. Қазақ жерінде 2 ұл, 2 қыз өсіреді. Қазір үлкен ұлы Антон әке жолын қуған кәсіпкер. Ол литва қызы Марияға үйленіпті.
Сафаряндар шаңырағын нағыз интернационалдық отбасы деуге болады. Ал олардың татулығына қарап сүйсінесің.

Инна Сафарян:

– Өзге ұлт өкіліне тұрмысқа шыққанда көп нәрсені үйрену қажет. Армяндар үлкенді сыйлауға баса мән береді. Мен туған-туысқандардың барлығын сыйлаймын. Үйімнен қонақ кетпейді. Әрі өзімнің ісім бар. Соның барлығына жүгіріп жүріп үлгеремін.

Инна -үйдің ұйытқысы. Қайын енесімен де тату, келінімен де құрбылар сияқты. Мария осындай жүздері жадыраңқы, көңілдері ашық отбасына келін болып түскеніне қуанышты.

Мария Сафарян:

– Мамам екеуміз бірден тіл таптық. Мен бақыттымын. Бәрін де жақсы көремін. Жолдасымның ата-анасы өзімнің туған әке-шешемдей болып кетті.

Қандай болсын мереке Сафаряндар үшін ортақ мейрам. Дастарханға, армян, орыс халқының ұлттық тағамдары және қазақтың  еті мен бауырсағы да қойылады екен.

Инна Сафарян:

 – Мен хошлама, долма, кәуапты дәмді қылып әзірлеймін. Келінім Мария бесбармақты тамаша жасайды.

Сафаряндарды әуелден Қазақстандағы тұрақтылық пен тыныштық қызықтырыпты. Қазір 5 ағайынды Петропавлда тұрып жатыр. Енді аналары Маргарита Степановна да Қазақстан азаматтығын алмақшы.

Маргарита Сафарян:

– Армяндар мен қазақ халқында бір ұқсастық бар. Біз үлкенді сыйлаймыз, кішіге қамқормыз. Қазақтардың арасында келгеніме ырзамын. Өйткені, мұнда достық бар. Өзге ұлт өкілдері бір-бірін сыйлайды.

Инна мен Вардгес Араратовичтің жарастығы өзгеге үлгі. Олар үйлесімді отбасын құрғың келсе, шыдамдылық пен түсіністік таныту керек, сонда ғана береке мен бірлік болады дейді.

Данаш Хамзина

Бұдан әрі оқыңыз

“Біз біргеміз” акциясы жалғасуда
Үйде білім беру және спорпен шұғылдану
Маскалар тегін таратылуда
22 наурыз — Ұлыстың ұлы күні
Подъездерін дезинфекцияламаған тұрғындар жауапкершілікке тартылады
Әлеуметтік желіде тараған жалған ақпарат
Петропавлда іскер әйелдер бас қосты
Үйде отыру қажет
Халықаралық педагогикалық байқаудың қорытындысы
Өңірде 300-ден астам эвакуациялық пункт дайын тұр
Сенная базаның су астында қалу қаупі бар
Петропавлда суағарлар тазартылып жатыр