“Жолдағы патриот” акциясы

Құқық қорғау органдары

16:30 1 Маусым 2012

Бұл жолы тәртіп сақшылары көлік иесінің құжаттарын тексеру үшін емес, мемлекеттік рәміздерді қаншалықты білетіндігін сұрау мақсатында тоқтатуда. Александр Скрипко сыннан сүрінбей өтті. Ол мемлекеттік рәміздерді білу әр азаматтың парызы дейді.

 Александр Скрипко:

– Республика азаматтары Ата заңымыздың талаптарын сақтап, Ту, Елтаңба, Әнұранның ерекшеліктерін біліп, оларға сыйластықпен қарауы тиіс. Ал бұндай акция әрине көптеген жүргізушілерге мол ақпарат берері сөзсіз.

Бұл акция қаламыздың 5 аймағында бір уақытта өткізілуде. Ал жолда тоқтатылған жүргізушілер қойылған сұрақтарға көп қиналмай, мүлтіксіз жауап беруде.

 -Мемлекеттік нышандарды еліміздің барлық халық білуі шарт. Себебі ол егемендігіміздің, тәуелсіздігіміздің белгісі.
– Елтаңба, Әнұран, Ту. Бұл акцияның барлығына берер пайдасы көп. Қазақстанның әрбір тұрғыны мемлекеттік рәміздерін білуге міндетті деп ойлаймын.

Ұйымдастырушылар бұл шараның маңызы зор деп отыр.

Махаббат Исимбаева, «Әлеуметтік жоба» жастар қоғамдық бірлестігінің жетекшісі:

-Акция мемлекеттік нышандарға деген халықтың құрметін арттыруға септеседі деп ойлаймын. Алдымен сауалнамаға жүргізушілерді тарттық.

Акцияны ұйымдастырушылар әр жүргізушіге мемлекеттік нышандардың толық сипаттамасы берілген үнпарақтар таратты.

Әсел Күшенғалиева

Бұдан әрі оқыңыз

“Іздестіру” жедел алдын алу іс-шарасы қорытындыланды
Петропавлда “Қауіпсіз мектеп” жедел-алдын алу іс-шарасы өтуде
Бетпердесіз сатып алушыны дүкенге кіргізбеген жөн
Ережені елемегендер жауапкершілікке тартылады
Петропавлда синтетикалық есірткі саудалаған адам ұсталды
Қала көшелерінде көлігімен құйындай жүйткіген жігіт ұсталды
Мекеме басшылары жұмысшы тасымалын ұйымдастырулары тиіс
Жиһанкез баукеспелер құрықталды
Петропавлда көші-қон қызметтерінің орталығы уақытша жұмысын тоқтатты
Петропавлда алаяқтықпен айналысқан ер адам ұсталды
“Жолда қабылдау” акциясы өтті
Облыста 70-тен астам интернет-алаяқтық фактісі тіркелген