Саяси қуғын-сүргін құрбандарын еске алу тақтасы мамырдың 31- не дейін тұрғызылады

Қоғам

3:41 12 Сәуір 2012



Еске алу қабырғасы саяси қуғын-сүргін құрбандарының құрметіне тұрғызылған ескерткіштің қарсысында қаланады. Репрессияға ұшырағандарды еске алу күніне орай мамырдың 31-ші жұлдызында бұл жерде ұзындығы – 66, биіктігі 2,8 метрлік мәр-мәр тастан соғылған монумент бой көтермек. Мемориалдық кешенді айнала саябақ ашылады. Кеспе тас төселіп, орындықтар қойылады. Сән келтіретін гүл, ағаш көшеттері отырғызылмақ. Тақтаға солақай саясаттың жазықсыз құрбаны болған азаматтарының есімдері қашалып жазылады. Қоғамдық комиссияның отырысында тізім нақтыланды. Соңғы 7 жыл бойы жиналған бұл қаралы есепте 5694 жерлесіміздің аты-жөні белгілі болып отыр.

Болат Сағындықов,  “Память” қоғамдық қорының төрағасы:
Қосымша 200 кісілік бос орын қалтырамыз. Бұнымен жұмыс тоқталмай әрмен қарай жалғаса береді. Егер кірмей қалған ата-аналары, туыстары болса біздің “Память” қоғамдық қорына беруге болады.

Қаралы тізім ҰҚК және прокуратура мұрағаттарындағы мәліметтерден тексерілді. Бұл қасірет Кеңес Одағы құрамындағы 1 елді де айналып өтпеді. Бүгінде  Ресей, Украина, Польша азаматтарынан да Солтүстік Қазақстанға айдалған туысқандары жөнінде мәліметтер келіп жатыр. Еске алу қабырғасының жобасы бүгінде толығымен дайын. Ендігі мәселе – қаражат табу. Жалпы игі шараға 19 млн. теңге жұмсалмақ.

Болат Сағындықов, “Память” қоғамдық қорының төрағасы:
Бюджеттен сырт қаражат. Сондықтан бұған үлес қосу керек. Туған-туысқандары, жақындары мен қоғамдық ұйымдардың көмегіне сеніп отырмыз.

Бүгінде қайырымды жандар естелік тақтасының құрылысына 3 млн теңге жинапты.

Жеңіс Ермұқанов

Бұдан әрі оқыңыз

Рухани келісім күніне орай дін өкілдері жиын өткізді
СҚО-да “Уақытша отбасы” жобасы аясында 122 бала білім алады
Петропавлда субмәдениет фестивалі өтті
Петропавлдық еріктілер 84 жастағы қарияға қолғабыс етті
Көзінің жанары сөнсе де жүрегіндегі оты сөнбеген жандар
Келлеровка селосындағы мәдениет үйі жөндеу көрді
Петропавлда “Үздік шебер” байқауы өтті
Солнечный кентінің сыртына қоқыс төккен ер адамға айыппұл салынды
Өңірде “Қайырымдылық керуені” республикалық байқау бастау алды
“Otau Fest” онлайн фестивалінің жеңімпаздары анықталды
Облыстық кітапханада ұлтаралық татулық тақырыбы талқыланды
Өңірде экскурсия жүргізушілерінің байқауы өтті