Сәуірдің 12-сі – Бүкіләлемдік авиация және ғарышкерлер күні

Қоғам

14:25 12 Сәуір 2012

  

Осыдан тура 51 жыл бұрын адам баласы Байқоңырдан алғаш ғарышқа ұшты. Тұңғыш жер серігі де аспанға жол тартты. Әлемде ғарышқа алғаш жол салған Юрий Гагарин болды. Араға 30 жыл салып, қазақ ғарышкері Тоқтар Әубәкіров көкке самғады. Ұлпан Елжасова өзінің еңбегінде еліміздің ғарыш саласында қол жеткізген табыстарын бейнелепті.

Ұлпан Елжасова, “ЮНЕСКО клубы”, бейнелеу өнері лицейінің тәрбиеленушісі:
– Мен суретте ғарышты, жұлдыздарды, ұшып жүрген ғарышкерді бейнеледім. Суретімді гуашьпен салдым.

Аталмыш сайысқа 33 шетел суретшілері атсалысыпты. Халықаралық байқауға еліміздің 9 оқу ордасы қатысқан. Көркемөнер лицейінен 17 қолөнер жұмысы жіберіліпті. Үздік жұмыстардың ішінде Карина Халиуллинаның туындысы 3 дәрежелі дипломға ие болды. Бұл оның ғарыш тақырыбында ұйымдастырылған жарысқа алғаш қатысуы.

Карина Халиуллина, “ЮНЕСКО клубы”, бейнелеу өнері лицейінің тәрбиеленушісі:
– Ғарыш тақырыбына арналған сайысқа алғаш қатысуым. Мен өз суретімді алдымен акварель бояуларымен шыныға салып, кейін қағазға түсірдім. Бұл жұмыста спутник және ғарыш қана бейнеленсе де, ол абстракциялы, мистикалық дүние болып шықты.

Бұндай сайыстар оқушылардың дарынын ашуға зор мүмкіндік береді дейді балалардың ұстазы Дарья Мещенко.

Дарья Мещенко,”ЮНЕСКО клубы”, бейнелеу өнері лицейінің ұстазы:
-Берілген тақырыптың көлемі өте ауқымды. Балалар тақырыпты бірден ұнатты. Олар өздерінің туындыларын аса жаупкершілікпен орындады.

Өткен жылы көркемсурет лицейінің тәрбиеленушілері 54 сайысқа қатысыпты. Барлығында да жүлделі орындардан көрінді.

Әсел Күшенғалиева

Бұдан әрі оқыңыз

Қалалық жатақханаларда рейд өткізілуде
Ұшақ билетінің бағасы арзандайды
“Еріктілер клубы” өткен жылды қорытындылады
Мектеп оқушылары құстарды қоректендірді
Солтүстікқазақстандық кәсіпкер малды тірідей экспорттауға қарсы
Ел тілегі – жарқын болашақ
Петропавлда балаларға арналған аспаздық мектеп ашылды
Биыл жылудың тарифі өсуі мүмкін
Қар тазалаушы кей кәсіпорындар ағаштар мен қоршауларды сындыруда
Абай Құнанбаевтың 175 жылдығына арналған концерт өтті
Пресновкада мемлекеттік бағдарлама аясында ашылған фитнес-клуб жұмыс істеуде
Мемлекеттік қызметтерді алу үрдісі жеңілдетілді