Білім беру саласында тың әдістерді қолдану, заманауи технологияларды меңгеру, оқытушылар құрамының біліктілігін арттыру. ҚР Парламенті Мәжілісінің депутаты Абай Тасболатов кездесуді осы мәселелерді талқылаудан бастады. Елбасы Жолдауында айқындаған басты міндеттердің бірі – білім беру саласын жетілдіруде оқытушылар мен студенттерге артылған сенім мол. Дегенмен мұны әрқайсысының жіті түсінуі қажет дейді Абай Тасболатов.
Абай Тасболатов, ҚР Парламенті Мәжілісінің депутаты:
– Қазіргі таңда елімізде білім беру саласына ерекше көңіл бөлінуде. Өйткені кадрлардың сапасы мемлекетіміздің өркендеуінің кепілі. Сондықтан студенттер үшін ЖОО-н тамамдап қана қою жеткіліксіз. Бәсекелестік өте жоғары деңгейде. Әрдайым ізденісте болу керек.
Болашақ мамандардың алдында бірқатар міндеттер тұрғаны белгілі. Бастысы – меңгерген саласында әрдайым жаңашылдықтарға ұмтылу қажет. Бұл жаңа ғасырдың негізгі талаптарының бірі. Сондықтан кездесудің студенттер үшін берері мол.
Ерқанат Тілегенов, М.Қозыбаев атындағы СҚМУ студенті:
– Бұл кездесуден мен көп нәрсе түсіндім. Алдымен патриоттыққа тәрбиелейді деп ойлаймын. Сондай-ақ өзімізді қызықтырған сұрақтарды жолдадық.
Абай Тасболатов мұндай кездесуді аудандарда да өткізуді жоспарлап отыр.