«Салангтың» құрылғанына – ширек ғасыр

Қоғам

14:42 29 Наурыз 2012



“Саланг” әскери-патриоттық клубын ауған соғысына қатысқан жерлестеріміз құрған. Клубтың негізін қалаушылардың бірі – Александр Азегов. Бұл ұйымға 25 жыл жетекшілік етіп келетін ол алғашқыда қиын болғанын айтады.

Александр Азегов, “Саланг” әскери-патриоттық клубының жетекшісі:
– “Саланг” клубы 1987 жылы құрылды. Ауған соғысында болғанда біздің жауынгерлерге әскери дайындықтың жетіспейтінін көрдік. Сондықтан балаларды әскер қатарына шақырылғанға дейін арнайы жаттықтыру үшін осындай клуб құруды ұйғардық. Осы күнге жеткенше бірқатар қиындықтар болды. Бірақ біз бәрін жеңіп, қазірде нәтижелі жұмыс жасап жатырмыз.

Жиырма бес жыл ішінде 2 мыңға жуық бала әскери-патриоттық клубта жаттыққан. Ал бүгінгі күні қырыққа жуық тәрбиеленуші әскери дайындықтан өтуде. Мұнда олар спортпен айналысып, қоян-қолтық күрес әдістерін, қарудан атуды үйренеді. Ал жақында бағдарламаға парашюттен секіру де енгізіліпті. Осында меңгергендерін клуб тәрбиеленушілері мерейтойға орай ұйымдастырылған шарада жұртшылық назарына ұсынды.

Николай Гурин:

Осы клубқа 14 жасымда келген болатынмын. Бұл жерде көп нрсе  үйрендім. Әсіресе әскери дайындық шыңдайды. Бұл тәжірибемнің әскер қатарына шақырылғанда көмегі үлкен болды. Енді қазір осы клубта өзім балаларды жаттықтырамын.

Жанғали Ахметов, студент:
Клубқа былтыр келдім. Ұнайды. Әскери дайындық, спортпен айналысамыз. Оқуды бітіргесін әскерге барамын. Сол кезде көмек болады деп ойлаймын.

Айту керек, клуб мүшелерінің алдында тұрған тағы бір маңызды мақсат бар. Олар Ұлы Отан соғысы кезінде қаза тауып, жерленбей қалған жауынгерлердің сүйегін іздестіру жұмыстарымен айналысады. Биыл әскери-патриоттық клуб мүшелері жиырмасыншы рет Ресейдің Новгород облысына бармақ. Ал осы сапарлар кезінде табылған құнды жәдігерлер клубтың мұражайында қойылған.

 
Айымгүл Әбілева

Бұдан әрі оқыңыз

Былтыр Петропавлда 200-ге жуық ауыл шаруашылығы жәрмеңкесі өтті
Балақайлар жаңажылдық кешке қандай костюм кимек?
Жаңажылдық тартулар
ҚР Ұлттық ұланының құрылғанына биыл – 28 жыл
Биыл 1162 салымшы қоныс тойын тойлады
Жаңажылдық дастархан
Өңірде Жастар жылы қорытындыланды
Православ сеніміндегілер Крещение мерекесін атап өтеді
Петропавлда қар тазалау жұмыстары қызу жүргізіліп жатыр
Жуырда Есіл ауданында токарлік цех ашылды
Мемлекет басшысының мақаласы жарық көрді
Петропавлда мемлекеттік қызметтер жәрмеңкесі өтті