Жиында уақыт шектеулі. Сондықтан әр қатысушы әзірлеген туындыларынан үзінді оқып, жұртшылықты шығармашылық жолымен таныстырып үлгеруге асық. Мағжан, Сәбит, Ғабит сынды сөз зергерлері өсіп-өнген Солтүстік өңірдегі бүгінгі ақын-жазушылардың шығармашылығына қостанайлық қауым ерекше қызығушылық танытты. Мұндай телекөпірдің екі жақ үшін де берері мол дейді ақын Марал Оспанова.
Марал Оспанова, Қазақстан Журналистер одағының мүшесі, ақын:
– Мұндай жиын білмегенімізді үйреніп, білгенімізбен бөлісуге зор мүмкіндік. Сондықтан бірінші рет ұйымдастырылып отырғандығы қуантады.
Сондай-ақ отырыста ақын-жазушылар бір-біріне тікелей сауалдар жолдап, өзара диалог жүргізді.
Василий Коноплев, әдебиетші, педагог:
– Біз өзіміздің туындыларымызды әдеби журналда басып шығарамыз. Ол жылына 4 рет жарық көреді. Сіздерде де «Берега» атты журналдың шығарылатынын білемін. Өзара әріптестік орнатып, туындыларымызбен алмасуға қуана келісер едім.
Алдағы уақытта мұндай кездесулерді дәстүрлі түрде ұйымдастыру жоспарлануда.
Инеш Шоқақова