Мүмкіндігі шектеулі тәрбиеленушілердің ансамблі 2004 жылы құрылған. Барлығы 3 топта би элементтерін 30-дан астам тәрбиеленуші меңгеруде. Жоғары топқа 6 биші қатысады екен. Біздің оқушылардың есту қабілеті нашар болғандықтан оларды сайыстарға дайындау қиын дейді бишілердің ұстазы Ольга Ростовщикова.
Ольга Ростовщикова, саңырау балаларға арналған облыстық мектеп-интернат мұғалімі:
-Қарағанды қаласына бара жатқанда балалар қатты толқыды. Себебі олар дені сау, тәжірибелі бишілермен бақ сынасуы керек қой. Алайда, шәкірттерім өз мүмкіндіктерін барынша көрсеттті. Біз әрине бұған қуаныштымыз.
Интернат тәрбиеленушілері латын-америкалық билерден самбо, ча-ча-ча, джайв, ал еуропалық бағдарлама бойынша вальс билейді. Бір биге 1 ай көлемінде дайындық кетеді. Осы уақытқа дейін жеткіншектер бірнеше халықарлық турнирдің дипломдарымен марапатталған екен.
– Біз сайысқа түскенде өте қатты толқыдық. Дегенмен өзімізді жақсы көрсеттік деп ойлаймын.
– Бізге Алматы қаласынан келген бишілер қатты ұнады.
Әсемгүл Есенғазина 16 жаста, 2011 жылы ол «Жұлдызай» сайысында әнді сурдоаударма арқылы түсіндіріп, жүлделі 1 орынға ие болған.
Енді би тобы ақпанның 28-інде Астрахань қаласында өтетін халықаралық турнирге шақыру алды.