Қызылжар ауданы сайлауға дайын

Қоғам

16:58 10 Қаңтар 2012


Ел өміріндегі маңызды науқанға өңіріміздің әр ауданында қызу дайындық жүргізілуде. Сайлауда Қызылжар ауданынан 47 үміткер бәсеге түсетін болады. 40 азамат аудандық, ал жетеуі облыстық мәслихатқа депутаттыққа үміткерлер. Олардың әрқайсысы ауылдың өмірін жақсартып, өздері меңгерген салаларды дамытуды өз бағдарламаларына арқау етіп отыр.

Геннадий Зенченко, облыстық мәслихат депутаттығына үміткер:
– Әрбір азаматты еліміздің болашағы алаңдатады деп ойлаймын. Сондықтан барша солтүстікқазақстандықтарды 15 қаңтар күні сайлауға келіп, өз таңдауларын жасауға шақырамын. Бұл еліміз үшін өте маңызды оқиғалардың бірі болмақ.

Сайлаудағы ең басты мәселелердің бірі – тұрғындардың белсенділігі. Сондықтан бұл күні өнер ұжымдары да бескөлдіктерді маңызды науқаннан шет қалмауға шақырды. Тұрғындар да сайлаудың нәтижесі әр азаматтың берген дауысына байланысты екенін түсінеді.

 Орал Жанатов, Қызылжар аудандық мәдениет және тілдерді дамыту бөлімінің бас маманы:
– Алдымыздағы сайлау науқаны болашаққа жоспар құратын, соны айқындайтын күндердің бірі. Сондықтан бұл күнге әр азамат қатысуға міндетті деп ойлаймын.

Қызылжар ауданында барлығы 69 сайлау учаскесі жұмыс істейді. Олар 15 қаңтар күніне жоспарланған сайлауға толықтай әзір.

 Инеш Шоқақова

Бұдан әрі оқыңыз

Былтырғы жылыту маусымы үшін төлемді қайта есептеу дау тудырды
Қариялар ағаш отырғызды
Өсімдіктерден жасалған шампунь мен сабын
Балалар үйінің тәрбиеленушілеріне арналып экскурсия ұйымдастырылды
Сәлімхан Сәбитовтің жобасы республикалық байқауда жүлдеге ие болды
Герольд Бельгердің туғанына – 85 жыл
Петропавлда шағын саябақ пайда болды
Облыс орталығында жүзім фестивалі өтті
Еріктілердің «Ізгілік елшісі» атты басқосуы өтті
Өңірде алғаш рет ауыл әйелдерінің форумы өтті
“Үздік техникалық жобалар” байқауының облыстық кезеңі өтті
Шаһарда ханшайымдар байқауы өтті