Мереке күндері полицейлер күшейтілген тәртіпте жұмыс істейді

Құқық қорғау органдары

17:10 29 Желтоксан 2011

Жаңажылдық думандардың тыныш өтуі облыс полицейлерінің жіті бақылауында болады. Екі есе  күшейтілген құрам тәулік бойы кезекшілікке шығып қоғамдық қауіпсіздікті қамтамасыз етеді.

 Спартак Қабденов, СҚО ІІД баспасөз қызметінің жетекшісі:
-Бүгінгі күні қосымша бағыттар дайындалып жоспарланды,  бұл бағыттарға полицияның кешенді күштері түседі. Қоғамдық орындарды жаяу және автопатрульдер күзетеді. Сонымен қатар бекеттегі кезекшілік атқару, жедел тергеу топтары күшейтілді.

Бұл мақсатта облыстық ІІД жедел бақылау орталығының қызметкерлерінің жұмысы да көп болмақ. Облыс орталығының халық көптеп шоғырланатын жерлері мен көлік қатынайтын жол қиылыстарына 25 камера орнатылған. Заманауи бейне түсіру құрылғылары айналмалы, сапасы өте жоғары. Оған түскен адамның іс- әрекетін, түр- әлпетін еш қиындықсыз көруге болады. Биыл осының арқасында 13 мыңнан артық әкімшілік заңбұзушылық анықталып, 92 қылмыстың ізі суымай ашылыпты. Сондай-ақ бұл күндері халықты дүрліктіріп жарылғыш зат қойылды деп жалған ақпарат беріп телефон соғушылардың әрекеттері қатаң бақылауға алынбақ.

Спартак Қабденов, СҚО ІІД баспасөз қызметінің жетекшісі:
– Жалған телефон шалу бойынша жыл басынан 8 хабар келіп түскен. Барлығы бойынша іздестіру шаралары жүргізіліп, барлық адамдар анықталды. Оларға тиісті шаралар қолданылып, қылмыстық, әкімшілік жауапқа тартылып отыр.

Заң бойынша мұндай әрекеті үшін үш жылға дейін бас бостандығынан айыру жазазы қарастырылған. Өйтпегенде бұзақы 500 АЕК мөлшерінде айыппұл төлеуге мәжбүрленеді.

Жеңіс Ермұқанов

Бұдан әрі оқыңыз

“Қауіпсіз жол” жедел-алдын алу іс-шарасының нәтижесі
«Отбасында зорлық-зомбылыққа жол жоқ» акциясы
Полиция қызметкерлері марапатталды
“Ақылды” бағдаршамдардың пайдасы
Скутер тізгіндегендер тексерілді
Өңірде жыл басынан бері 16 мал ұрлығы тіркелген
Абаттандыру ережелерін бұзған 117 адамға айыппұл салынған
Маусымның 23-і – отандық полиция күні
СҚО-да есірткіге тәуелді жандардың қатары азаюда
Петропавлда есірткі саудалаған бойжеткен ұсталды
Өңірде заңсыз аң аулау фактісі тіркелді
“Газель” автокөлігі “Джон дир” тракторына соғылды