Ризашылық күні

Қайырымдылық

14:42 28 Қараша 2011

 
Бұл күні мейірімділік пен махаббат үшін бір-біріне алғыс білдіру дәстүрге айналған. Мейрам шамамен осыдан 4 ғасыр бұрын тойлана бастаған екен. Ал елімізде «Ризашылық күні» 3 жыл бұрын «Бөбек» қорының бастамасымен атап өтілетін болды. Мерекенің әсіресе ата-ана қамқорынсыз қалған балалар үшін маңызы ерекше екені сөзсіз.

Фархад Қуанғанов, СҚО әкімінің орынбасары:
– «Ризашылық күні» – ең мейірімді мереке. Оның өзге мейрамдардан ерекшелігі – қайырымды болуға, жаныңдағы адамдарды қадірлеуге үйретеді. Адамдар бір-біріне жасаған игі істерін құрметтей білуі керек. Сіздерді осы шуақты мерекемен шын жүректен құттықтаймын.

Қазіргі таңда жетім және ата-ана қамқорынсыз қалған балаларға арналған мектеп-интернатта 152 бала тәрбиеленуде. Барлығы – 9 жанұя. Олардың әрқайсысына жылдар бойы қамқоршылар  демеу жасап, көмек көрсетіп келеді. «Петропавл су» АҚ 6 жылдан бері «Болашақ» жанұясын өз қамқорлығына алыпты. Бұл күні де мекеме ұжымы балаларға қалаған сыйлықтарын тарту етті.

Аслан Сатин, «Петропавл су» АҚ президенті:
– Біз «Болашақ» жанұясына көмектесіп келеміз. Әрдайым сыйлықтар сыйлап, балаларды назардан тыс қалдырмаймыз.

Мектеп-интернат тәрбиеленушілері ризашылықтарын өздерінің өнерлері арқылы жеткізді. Сондай-ақ өз қолдарымен жасаған сый-сияпаттарын қонақтарға таратты.

Серік Айтуаров:

– Мен 4-ші семьяда оқимын. Мереке қатты ұнайды. Алғыс айтамын.
Диана Кенжеғұлова
– Мен бүгін би биледім. Ән айттым. Осы мерекені асыға күттім.

Махаббат, келісім, мейірімділік пен шапағат мерекесінің балаларды жанұя жылуына бөлегені анық.

Инеш Шоқақова

Бұдан әрі оқыңыз

«Балаларға қуаныш сыйла» қайырымдылық акциясы өтті
Еріктілер ме, әлде алаяқтар ма
Пластик қақпақтарды кәдеге жарату акциясы жүріп жатыр