Зияткерлік сайыс

Мәдениет

4:39 27 Қараша 2011

Ел үшін мерейтойлы жылы оқушылар арасында түрлі сурет және шығарма байқаулары ұйымдастырылған. Олардың негізгі мақсаты – өскелең ұрпақтың бойында патриоттық сезім қалыптастыру. Осы шара да солардың жалғасы болмақ.  Сайысқа өңіріміздің түкпір-түкпірінен 14 үміткер қатысты. Сергей Цалко жарыста Айыртау ауданының намысын қорғамақ. Ол жарысқа келер алдында өз білімін тағы бір мәрте пысықтап алыпты.

Сергей Цалко, сайысқа қатысушы, Айыртау ауданы:
– Мен сайысқа қатысар алдында көп дайындалдым. Батырлар мен жазушылардың өмірі жайлы оқыдым. Салт-дәстүрге байланысты сұрақтарға да жақсы дайындалдым деп ойлаймын.

Сайысқа қатысушылар ел тарихын, ақын-жазушалардың өмірі мен шығармашылығын қаншалықты білетіндіктерін көрсетті. Сондай-ақ олар туған өлкенің табиғатына қатысты сауалдарға да жауап берді. Байқаудың бір ерекшелігі оның тек 7-сынып оқушыларының арасында ұйымдастырылуы.

Фарида Әбілғазина,  облыстық балалар мен жасөспірімдер шығармашылығы орталығының бас режиссері:
– Бұл сайыс балаларды отансүйгіштік сезімге тәрбиелеуге бағытталған. Ел тәуелсіздігінің 20 жылдығына орайластырылып отыр.

Ең білімпаз оқушы атағына Есіл ауданынан келген Асхат Қасиенов лайық деп табылды. Сондай-ақ Жамбыл және Ғ.Мүсірепов аудандарының оқушылары да жүлделі орындарға ие болды.

Иеш Шоқақова

Бұдан әрі оқыңыз

Италияндық музыканттың жеке шығармашылық кеші өтті
Университет қабырғасында неміс мәдениеті күндері өтуде
“Айлы түннің жарығымен” фестивалі өтті
Швед елшісі Н.Погодин атындағы облыстық орыс драма театрында болды
Петропавлда “Крокодил” шығармасы сахналанды
Шоқан Уәлихановқа арналған көрме қанат жайды
Суретші Василий Манзяның 85 жылдығына арналған көрме
Петропавлда облыстық “Абай оқулары” өтті
НЗМ оқушылары халықаралық би байқауында үздік атанды
“Швецияның әуендері мен ырғақтары” атты концерт өтті
Петропавлда америкалық әнші Рональд Бейкер концерт берді
Бейімбет Майлиннің туғанына – 125 жыл