Жерлестеріміз Елордада 4 инновациялық жобаны таныстырды

Бизнес және экономика

14:43 17 Қараша 2011


 

Елордада өткен Қазақстан халқы  Ассамблеясының форумына республикадан 60 – қа тарта жоба ұсынылды. Негізінен олар ауыл шаруашылығы, құрылыс және өнеркәсіп салаларына бағытталған. Облысымыздан бұл басқосуға «Дуслық» татар – башқұрт мәдени орталығы барып қайтты.

Фанис Литфуллин, «Дуслык» татар – башқұрт мәдени орталығының мүшесі:

-Жобалардың басым бөлігі өзінің құндылықтарымен ерекшеленеді. Себебі: бұнда барлық салалар қамтылған. Бұлардың ойдағыдай жүзеге асуы еліміз үшін тиімді болар еді.

Форумда облысымыз 4 инновациялық жобаның таныстырылымын жасады. Оның барлығы экономикалық және әлеуметтік әсер бермек. Аймағымызда қолданысқа ие жобаның бірі «арнайы элеваторлық түйін». Ол үйлерге берілетін жылуды 60 пайызға сақтайды. Сондай – ақ «жылу-электр орталығындағы күлді тыңайтқыш ретінде пайдалану», «шипалы сазбалшық өндіру» жобалары ұсынылған.

Фанис Литфуллин, «Дуслык» татар-башқұрт мәдени орталығының мүшесі:

-Жобалар өте маңызды. Бір жаңашылдықтың құны орта есеппен 10 млн теңгеге бағалануда. Бүгінде инвесторлар қызығушылық танытып, ұсыныстар түсуде.

Сондай-ақ форум аясында Қазақстан халқы Ассамблеясы, индустрия және технологиялар министрлігі мен кәсіпкерлер арасында үш жақты меморандумға қол қойылған. Бұл аталған жобаларды жүзеге асыруда айтарлықтай сеп болады, дейді мамандар.

Жандос Наурызбаев

Бұдан әрі оқыңыз

“Даму” қоры баспасөз турын ұйымдастырды
Жас кәсіпкерлерге арналған “Баста” форумы
Мемлекеттің қолдауын пайдаланып кәсіп ашқан жандар