Солтүстікқазақстандық балуандардың қола жүлдесі

Спорт

18:10 2 Қараша 2011



Ұлттық спорттың белбеу күресінен өткен аталмыш чемпионатқа барлығы 10 команда қатысқан. Облыс намысын байрақты бәсекеде 6 палуаннан құралған құрама қорғады. Бапкердің айтуына қарағанда, қазір Астана және Павлодар қалалары командаларының тегеуріндері мықты екен. Араларында әлемдік додалардың жүлдегерлері бар бұл құрамалар әзірге қарсыластарына дес беретін емес. Сондықтан жерлестеріміз жалпыкомандалық есеп бойынша 3 орынға табан тіреді.

Уәлихан Дәуленбеков, БЖҰСМ белбеу күресінің аға жаттықтырушысы:

-Чемпионатта Қарағанды, Жамбыл, Шығыс Қазақстан облыстарының құрамаларымен кездесу өткізіп, жеңіске жеттік. Тек ақтық сында павлодарлықтарға есе жіберіп қойдық. Ересектер арасында қашаннан бәсеке жоғары болғандықтан, барлығының дайындықтары күшті болатыны анық қой. Десе де нәтижесінде үшінші орынға іліктік.

Облыс құрамасында өнер көрсеткен палуанның бірі – Дәурен Нұрғожин. Оның бұл спорт түріне ден қойғанына 8 жыл болған екен. Белбеу күресінен Қазақстан Республикасының кубогында 75 келі салмақ дәрежесінде күш сынасып үшінші орынға қол жеткізді.

Дәурен Нұрғожин, қола жүлде иегері:

-Бабым да, бағым да шауып кетті. ҚР кубогында қола жүлдеге ие болдым. Қарсыластар мықты болды барлығы. Ұту қиын болды.Бірақ, жеңіске жеттім.

Бүгінде Дәурен Нұрғожин ұлттық құраманың сапына қосылу мүмкіндігіне ие болды. Енді, ол қарашаның 16 – 17 күндері Уфа қаласында өтетін әлемдік чемпионатта ел намысын қорғамақ.

Жандос Наурызбаев

Бұдан әрі оқыңыз

Аға буын өкілдері мен мектеп оқушылары шахмат ойнады
Нұрқожа Қайпанов күміс медаль еншіледі
“Құлагер” ХК “Ақтөбе” құрамасынан минималдық есепте басым түсті
“Qyzyljar” ФК “Академия Оңтүстік” командасын жеңді
Али Алиев маусымның үздік жаттықтырушысы деп танылды
Киокушинкай каратеден қала әкімінің кубогі өтті
Көркем гимнастшылар сынға түсті
«Qulager» хоккейшілері «Ertis» құрамасын тізе бүктірді
Қарымта кездесуде құлагерліктер “Altai Torpedo”-дан жеңіліс тапты
Жерлес футболшылар чемпион атанды
“Құлагер” ХК “Бейбарыс” командасымен қос кездесу өткізді
«Qulager» хоккейшілері өскемендік «Altai Torpedo» құрамасына есе жіберіп алды