“Халықтың дауысы” акциясы жалғасуда

Қоғам

15:12 24 Қазан 2011

 

Азаматтардың өтініштері мен ұсыныстарын қабылдау үшін Петропавлда халық көп шоғырланатын 5 жерде арнайы урналар қойылған. Оның бірі – М.Қозыбаев атындағы СҚМУ-де. Тың бастаманы оқу орнының студенттері мен мұғалімдері қолдап отыр.

Екатерина Кордюкевич, М.Қозыбаев атындағы СҚМУ оқытушысы:
– Мен бұл акцияны қолдаймын. Жоғары оқу орнының оқытушысы ретінде студенттерді жұмыспен қамтуға байланысты ұсыныс-тілектерімді қалдырдым. Олар қарастырылып, қолдау табады деген ойдамын.

Бұл жерде әр адам өзінің тілектерін үнпарақшаларға жазып қалдыра алады. «Нұр Отан» ХДП өкілдері олардың ешбірін назарсыз қалдырмақ емес. Бұған шәкірттер де сенімді. Сондықтан өз тілектерін жеткізуге асыққандар аз болмады.

Сәркен Нұрсаян, М.Қозыбаев атындағы СҚМУ студенті:
– Мен біздің университетте туризм мамандығының магистратурасы ашылса деген тілегімді қалдырдым. Өйткені өзім осы мамандықта оқимын.

Халыққа қызмет көрсету орталығындағы өтініштер мен ұсыныстар жәшігі де бюллетеньдерге толы. Жаманбаевтар отбасы акция жайлы естіп, белсенділік танытуға асыққандар қатарында.

Керімбай Жаманбаев:
– Біздің жеткіншектеріміздің білім алуына зор мүмкіндік ашылып отыр. Осылай бола берсін деп тілеймін.

2 апта ішінде Петропавл мен аудан орталықтарындағы 6000-нан астам азамат тілектерін қалдырып үлгеріпті.

Николай Черновол, «Нұр Отан» ХДП қалалық филиалы төрағасының бірінші орынбасары:
– Акцияның тұрғындар тарапынан қолдау тапқаны қуантады. Қаланы абаттандыру бойынша да біраз ұсыныстар келіп түсті. Жерлестеріміздің сауалдары орынды. Оларды қарастырып, әрқайсысын шешу үшін барынша тырысамыз.

Акцияның 1-ші кезеңі 10 қарашада қорытындыланбақ.

Инеш Шоқақова

Бұдан әрі оқыңыз

Әлеуметтік қызметтер порталы іске қосылады
Өсімдіктерден жасалған шампунь мен сабын
Петропавлда “Покровский перезвон” фестивалі өтті
Селолық округ әкімі мас күйінде көлікке отырған
Шаһарда ханшайымдар байқауы өтті
Ұлттың тірегі де, алтын арқауы да – қазақтың әжелері
Әлеуметтік қорғау жүйесі қызметкерлерінің күні атап өтілді
Балалар үйінің тәрбиеленушілеріне арналып экскурсия ұйымдастырылды
Петропавлдықтар “Географиялық диктант – 2019” акциясына қатысты
Балаларға көңілді кеш ұйымдастырылды
Петропавлда шағын саябақ пайда болды
Шаһарда ішіктер жәрмеңкесі жалғасуда