Израиль делегациясы Достық үйінде болды

Мәдениет

16:05 4 Қазан 2011

Израильден келген үлкен делегацияны солтүстікқазақстандықтар еврей халқының ұлттық ән-биімен қарсы алды.Достық үйінде делегация мүшелері облыстағы еврей ұлттық-мәдени орталығының тарихымен танысты. Ал дөңгелек үстел басындағы кездесуде еврей диаспорасының облыстың дамуына қосып жатқан үлесі сөз болды. Бүгінде Қызылжар өңірінде 800-ден астам еврей бар. Олардың жартысы қалада тұрады.

Серік Біләлов, СҚО әкімі, облыстық Қазақстан халқы ассамблеясының төрағасы:
-Қазақстан  – 130-дан астам ұлт өкілдерін бауырына басқан мемлекет. Ал біздің облыста 100-ден артық ұлт тату-тәтті тұрып жатыр. Айту керек, еврей диаспорасы аз болғанымен, олар өте белсенді. Барлық салада табысты еңбек етуде.

Облыс әкімі еврей ұлттық-мәдени орталығының белсенділігін айырықша атап өтті. Орталық еврей халқының мәдениетін, салт-дәстүрі мен туған тілін сақтауға зор үлес қосуда. Сонымен қатар Петропавлда ұлттық өркендеу мектебі – ұлтаралық татулықты нығайтудағы тағы бір маңызды қадам.

Рашбиль Евдаев, еврей этномәдени бірлестігінің төрағасы:
-Біз Қазақстанда барлық ұлт өкілдері достық пен ынтымақтастықта өмір сүріп жатырмыз. Қазақ жерінде барлық халықтарға туған тілдері мен салт-дәстүрлерін сақтауға жағдай жасалған. Табысты қызмет жасауға, балаларыңды тәрбиелеп, оқытып, олардың жарқын болашағын қамтамасыз етуге толық мүмкіндік бар.

Қазақстанда ұлтаралық қарым-қатынасқа үлкен мән беріледі. Бұл мемлекет басшысының сындарлы саясатының нәтижесі деп атап өтті кездесуде сөз алған израильдік делегация өкілдері.

Овадья Фатахов, O.J.M.T. Brener Investment президенті:
-Сіздерге бұл жерде үлкен мүмкіндіктер жасалған. Әрине, бұл Президенттің салиқалы саясаты. Біз өте қуаныштымыз.

Ал кейін қонақтар солтүстікқазақстандықтардың өнеріне тәнті болды. Сахна төрінде орындалған қазақ және еврей халқының ұлттық ән-билері тағы бір мәрте ұлттар достығы мен татулығын айғақтады.

Сонымен қатар бұл күні израильдік делегация Абылай хан резиденциясы мен облыстық тарихи-өлкетану мұражайында болды.

Айымгүл Әбілева

Бұдан әрі оқыңыз

Соғыс және еңбек ардагерлерінің халық академиялық хорына – 35 жыл
Италияндық музыканттың жеке шығармашылық кеші өтті
Бейімбет Майлиннің туғанына – 125 жыл
“Жыл мезгілдері” атты көрме қанат жайды
“Күдер” ансамблі Дубайда халықаралық байқаудың жеңімпазы атанды
“Айлы түннің жарығымен” фестивалі өтті
“Туған жерім – Қазақстаным” атты поэзиялық байқау өтті
НЗМ оқушылары халықаралық би байқауында үздік атанды
Петропавлда “Крокодил” шығармасы сахналанды
Петропавлда облыстық “Абай оқулары” өтті
Петропавлда америкалық әнші Рональд Бейкер концерт берді
“Швецияның әуендері мен ырғақтары” атты концерт өтті