Мария, Екатерина, Антонина және Елизавета есімді төрт қыз баланың бақытты анасы Бескөл ауылының 32 жасар тұрғыны. Дәрігерлердің айтуынша бөбектер мерзімінен бұрын туған, бірақ олардың денсаулығына төнер еш қауіп жоқ. Үшеуінің салмағы 2 келіден болса, біреуінікі 1 келі 400 грамм. Бірақ егіздерді ауруханадан шығаруға әлі ертерек. Шамамен екі аптадай олар қалыпты салмақ қосулары керек. Дәрігерлер айтқандай бір-біріне ұқсамайтын сүйкімді қыздарды ата-анасы әзірге көрсетуден бас тартты. Солтүстік Қазақстанда соңғы рет 2009 жылдың қыркүйегінде үшем дүниеге келген екен.
Жанна Маутова, облыстық перинаталдық орталықтың бас дәрігері:
– Біздің орталық ашылған 20 жыл ішінде мұндай жағдай алғаш рет тіркелді. Ұжымымызбен өте қуандық. Туу кезінде қиындық болғанымен қазір ананың да, сәбилердің де жағдайлары жақсы. Егіздер салмақ қосқан соң 2 аптадан кейін оларды үйлеріне жібереміз.
Кәусар Аяпбергенқызы