Жас суретшілер көрмесі

Мәдениет

16:10 2 Маусым 2011

Жүннен жасалған суреттер, гипстен құйылған мүсіндер, фюзинг әдісімен балқытылған кәдесыйлар –  осының барлығы бейнелеу өнері лицейі шәкірттерінің еңбектері. Бұл көрме оқу жылы аяғында арнайы өткізіледі. Оған оқушылардың жыл бойы жасаған тырнақалды туындылары қойылады. Мәселен, лицейдің 12 жастағы шәкірті Кристина Сысолятина көрмеге Жапониядан қола жүлдеге ие болған картинасын әкеліпті.

 Кристина Сысолятина, “ЮНЕСКО клубы” бейнелеу өнері лицейінің оқушысы:
– Мына картина жүннен жасалған. Онда менің мысығым бейнеленген. Аты Снежок. Суретім әдемі шығуы үшін түрлі түстерді қолдандым.

Бұған қоса Кристина тоқыма жіптен де сурет өрнектейді екен. Ол үшін жіптердің қиындысын кілегеймен қатар-қатар жапсырып отырған.
Ал  үй интерьері – Карина Халиулинаның шығармашылық табысы. Ол болашақта дизайнер болғысы келеді. Жақында бойжеткен “Весенняя радуга” байқауында “Учебный натюрморт” туындысы үшін жүлделі орынды еншілеген. Көрменің ашылу салтанатына келген қонақтар жасөспірімдердің  өнерлеріне тәнті болды.

 Жібек Рамазанова:
– Біз жуырда мұғалімдер білімін жетілдіру институтына білімімізді көтеруге келіп едік. Мінекей, топ басшысы бізді мұражайға алып келді. Мұражай өте тамаша. Балалардың еңбектерін көріп, біраз серпіліп қалдық.

Балалар қолымен жасалған бұл еңбектер жазғы демалыс бойы көрменің басты көркі болып тұра бермек.

Гүлден Сәрсенбаева

Бұдан әрі оқыңыз

“Тарт домбыра” облыстық байқауы өтуде
Қуыршақ театрының 30-шы маусымы аяқталды
26 жастағы солтүстікқазақстандық қысқа метражды фильм түсірді
Әлем таныған Абай
әл-Фарабидің тағылымына арналған онлайн жиын өтті
“Ел жүрегі-Нұрсұлтан” атты фотокөрме қанат жайды
Домбыра – асыл мұра
Ашық аспан астындағы сабақ
“Қасиетті Қазақстан” жинағының 4-ші тобы жарық көрмек
Облыстық қуаршақ театрында жөндеу жұмыстары жүргізілуде
“Бұлбұлдар түні” қойылымы сахналанды
Облыстық кітапханада Ұлттық Домбыра күніне орай іс-шара өтті