11 адам мерзімінен бұрын бостандыққа шықты

Құқық қорғау органдары

14:40 28 Наурыз 2011

Ізгілендіру жұмыстарының арқасында 18 қылмыстық құрам бойынша бас еркінен айыру жазасы алынып тасталды. Ондай жеңілдікке ҚР ҚК 259- бабының 1 тармағы бойынша есірткі заттарын заңсыз сақтап,  пайдаланғаны үшін сотталғандар да ілікті.  Олар 1-3 жылға дейін бас бостандығынан айырылған еді. Енді мұндайлар ірі көлемде айыппұл төлейтін болады.

Айқын Бәженов, 164/3 түзету мекемесінің тәрбие ісі жөніндегі бастығының орынбасары:
– Бүгін біздің мекемемізде 11 қылмыскер босатылды. Бүгінгі күні 68 адам 5 бап бойынша қаралмақ. Олардың да жазалары жеңілдетіліп, қысқартылмақ. Бұл ҚР сотталғандарға берген жеңілдігі. Енді олар қылмыс жасамай, отбасыларына көмектеседі деп ойлаймыз. Әрі қарай жақсы өмір сүреді деп ойлаймыз.

Жасылан Төлегенов жазасын әлі 2 жыл 2 ай өтеуге тиіс еді. Сотталушы туыстарымен мерзімінен бұрын қауышатынын естігенде қуанышын жасыра алмады. Жастықпен ақ жолдан тайып кеткен Жасылан бостандыққа шыққан соң жұмыс тауып, жаңа өмір бастаймын деп серт берді.

  Жасылан Төлегенов:
Мен 4 ай ғана отырдым. Алайда өмірімді жаңадан бастауға мүмкіндік береді дегенде қатты қуандым. Қазір бойымды кернеп тұрған сезімімді айтып жеткізуге сөзім жоқ.

Облысымызда осындай заң бұзушылықпен бостандығынан айырылған 35 адамның мерзімдері қысқартылды. Бұл, әрине, қате басып, қоғамнан оқшауланғандардың  қайта дұрыс жолға түсіп, мемлекеттің тең құқылы азаматтарына айналуларына жол салады.

Гүлден Сәрсенбаева

Бұдан әрі оқыңыз

Жамбыл ауданындағы қырмандардың бірінен 2 тонна арпа ұрланды
Жолда жүру ережесін бұзғандар жауапкершілікке тартылды
Петропавл-Жезқазған трассасында жеңіл көлік пен жүк көлігі соқтығысты
Петропавлда бәз біреу мектеп ішіне ұрлыққа түсті
Ақжар ауданында қарақшылық шабуыл жасағандар іздестіріліп жатыр
Кезекті «Жолда қабылдау» акциясы өтті
Тұрғылықты мекені жоқ жандар арнайы мекемеге жеткізілуде
Кәсіпкерлер ақпараттандырылды
Қызылжар ауданында зейнеткерге қарақшылық шабуыл жасалды
Нашақорлыққа қарсы күрес шаралары
Нәзікжанды жол апатынан қаза тапты
Қалалық қоғамдық кеңесінің отырысы