Чемпионат Қазақстан және көршілес Ресей елінен келген 13 шабандоздың басын қосқан болатын. Әр сайыскер 5 кездесуде шеңберді 5 мәрте айналуы тиіс еді. Жарыс 3 кезеңнен тұрды. Соңғы ақтық сайыс біздің өңірде ұйымдастырылды.
Владимир Ячкуринский, жарыстың бас төрешісі:
-Айналымда 1-ші келген шабандоз 4 ұпай алады. Қалғандары сәйкесінше 1, 2 ұпайға кем бағаланады. Біздің спортшылар еншілеп келеді. Енді алтын жүлдеге ие болу үшін көп еңбектеніп, тырысу қажет.
Автожарысқа ресейлік шабандоздардың қатысуы – шиеленіс пен бәсекенің артуына ықпалын тигізді. Қонақтардың ішінде жақсы нәтиже көрсеткендердің бірі – Игорь Усов. Ол ралли бойынша Ресей чемпионатының қола жүлдегері атаныпты. Алайда Қазақстанда өткен сайыста сәл мүлт кетті.
Игорь Усов, Омбы қаласының автошабандозы:
-Бұл ипподромға мен 1-рет келіп отырмын. Маған мұнда ұнады. Егер де шақырса, тағы да қуана келерміз.
Тректік автожарыста астаналық шабандоз Тимур Оразақов чемпион атағына ие болды. Бұл – Тимурдың бірінші жеңісі емес. 2006 жылғы ел біріншілігінде астаналық спортшыға тең келер қарсылас табылмапты.
Тимур Оразақов, қысқы тректік автожарыстан ҚР чемпионы:
– Бұл авто жарыс Қазақстандағы спорттың осал еместігін көрсетіп отыр. Бүгін 1-орын алдық. Авто жарыс – спорттың қызықты әрі қиын түрі. Жақсы көрсеткішке жету үшін мол еңбек керек. Көп жаттығу қажет.
Көкшетаулық спортшы Михаил Загороднев 2-орында тұрақтады. Ал Омбы қаласының шабандозы Игорь Усов үздік үштікті тұйықтады.
Айдана Демесінова