13 жасар Александр Власов үшінші жыл өзінің бос уақытын бейнелеу өнері лицейінде өткізеді. Ол акварельді жақсы көреді. Президенттік «Балдәурен» лагерінде өткен байқауға апарған 11 туындысында да негізінен осы бояуды қолданған. «Менің қалам», «Дала», «Суасты әлемі» сияқты суреттер жоғары бағаланса, «Ғарыш» деп аталған туынды лагерь мұрағатында сақталатын болды. «Тау пейзажын» қазылар 300 жас суретші әкелген туындылардың ішіндегі таңдаулысы деп танып, екінші орынның дипломын тапсырды. Лицей ұжымы шәкіртін мақтан етеді.