Телефон алаяқтарынан сақтану керек

Құқық қорғау органдары

5:14 14 Қаңтар 2011

 

 

Тәртіп сақшылары соңғы уақытта телефон арқылы айлаларын асырып, оңай жолмен ақша тапқылары келетіндердің саны артқандығын айтады. Алаяқтар көбіне сенгіш келетін аға буын өкілдерін айналдыратын көрінеді. Жаңа жыл басталысымен 70 жастағы петропавлдыққа телефон шалған  белгісіз біреу өзін Қорған қаласының Ішкі істер басқармасының қызметкері ретінде таныстырып, қарияға сол қалада тұратын ұлы қару сақтағаны үшін қамауға алынады деген жағымсыз хабарды жеткізеді. Жалған милиция капитаны ұлын құтқару үшін қарт анадан 3 мың АҚШ долларын талап еткен. Ондай үлкен сома болмағандықтан алаяқ көмекті мың долларға жасамақ болып келіседі. Зейнеткер тырнақтап жиған 153 мың теңгесін телефон соғушының нұсқауымен Қарағанды қаласында тұратын адамның есеп-шотына аударады. Қаражатты жібермес бұрын ұлына қоңырау шалып, тексеріп көреді. Өкінішке қарай баласы телефон тұтқасын көтермей, қария айтылғанның шындыққа жанасатынына сеніп қалады. Баласының аман жүргені, басы істі болмағаны сол кеште анықталып, алданған зейнеткер санын соғып қалды. Жедел іздестіру шаралары барысында  қария ақша аударған адамның Қарағанды қаласында тұратын такси жүргізушісі  екені анықталды. Оның айтуынша, екі жыл бойы көрмеген Владимир атты бұрынғы клиенті  бірнеше рет қоңырау шалған. Танысы жазамды өтеп, қамауда отырмын деп әркез ұялы телефонына ақша салуды сұрайды екен. Сөзінде тұрып, қарызын ірі көлемде ұялы байланыс құралы арқылы мүлтіксіз қайтарып жүрген. Асхат ақшаның қылмыстық жолмен келгенін білмедім деп түсіндіруде. Ол өз есепшотына түскен 153 мың теңгені танысының айтуымен үш адамның атына аударған.  Қазір полицейлер  Владимирді және алаяқтықпен келген қаражат  аударылған адамдарды анықтау жұмыстарын жүргізуде.

Жеңіс Ермұқанов

Бұдан әрі оқыңыз

СҚО-да иісшіл иттердің көмегімен 600-ден астам қылмыс әшкереленген
Қоғамдық тамақтану орындарының жұмысы – қатаң бақылауда
Петропавлда 39 жастағы баукеспе құрықталды
Петропавлда металл ұрлағандар анықталды
Биыл Петропавлда 183 интернет-алаяқтық фактісі тіркелген
Жыл басынан бері өңірде 4 адам пойыз астына түсіп, мерт болған
Петропавлда қомақты көлемде ақша ұрлаған ұры ұсталды
Заманауи бейнекамералардың көмегімен 1 мыңнан аса құқықбұзушылық анықталды
Полицейлер тұрғынға ұрланған автокөлігін тауып берді
Малы қараусыз жайылған тұрғындарға айыппұл салынбақ
Медицина қызметкерлеріне гуманитарлық көмек көрсетілді
“Жолда қабылдау” акциясы өтті