Жаңа жылдағы алғашқы медальдарды боксшылар әкелді

Спорт

5:05 12 Қаңтар 2011

Турнир Ақмола облысының Красный Яр ауылында өтті. Сайыста 12-13 жас аралығындағы спортшылар күш сынасты. Солтүстік Қазақстан облысының намысын бокстан балалар мен жасөпірімдер спорт мектебінің 8 оқушысы қорғады. Команда жаттықтырушысы Сергей Киселёв тәрбиеленушілерінің нәтижелеріне разы.

Сергей Киселёв, жаттықтырушы:
– Жарыс қызықты өтті.
Әрбір спортшы 2 рет жекпе-жекке шықты. Айдын Сапуанов және Никита Сипягин 1-ші орындарға ие болды. Ал Азат Төлеубаев 3-ші орынды еншіленді. Осындай сайыстардың пайдасы мол. Өйткені мұнда бәсекелестік артып, балалар әбден шынығады.

Жас боксшылар да республикалық додаға жолдама алғандарына қуанышты. Айдын Сапуанов бокспен 4 жыл айналысады, мұндай дәрежедегі жарысқа алғаш рет қатысып отыр. Бұл жолы Айдынның бағы жанды.

Айдын Сапуанов, бокстан балалар мен жасөпірімдер спорт мектебінің оқушысы:
– Мен осы турнирда 1-ші орын алдым.
Менің қарсыластарым мықты болды. Бірақ мен олардан мықтырақ болып, 1-орын алдым

Никита Сипягин алтын алқа тағып келгендердің бірі. Ол қырқүйек айынан бастап 7 турнирге қатысыпты. Олардың төртеуі бокстан болса, үшеуі кикбоксингтен. Нәтиже жаман емес. Әзірше ұтылып көрмеген. «Жетістіктерімнің барлығы жаттықтырушым Ғабит Үтеновтың арқасында»,- дейді Никита

Никита Сипягин, бокстан балалар мен жасөпірімдер спорт мектебінің оқушысы:
-Дода мен үшін сәтті өтті.
Мол еңбегімнің нәтижесінде чемпион атандым. Бокспен айналысу себебім – өз отбасымды қорғағым келеді. Мүмкін, болашақта Олимпиада ойындарының, Азия ойындарының чемпионы атанармын.

Ал Азат Төлеубаев біздің команданың қоржынын қола медальмен толықтырды. Жалпы  сайысқа Қазақстанның барлық қалаларынан 18 команда қатысты.

Айдана Демесінова

Бұдан әрі оқыңыз

Конькимен жүгіруші Роман Креч үздіктер қатарынан көрінді
Шайбалы хоккейден облыс біріншілігі бастау алды
“Qulager” құрамасы “Астана”-ны 8:0 есебімен ұтты
Жерлесіміз грэпплингтен ел кубогінің жеңімпазы атанды
“Құлагер” ХК теміртаулықтармен кездесті
Өңір спортшылары әлем чемпионатынан жүлдемен оралды
Петропавлда спорт мектебінің жанынан колледж құрылды
“Qulager” ХК “Астана” құрамасын тізе бүктірді
Хоккейшілеріміз сенімді ақтамауда
Петропавлда қоян-қолтық ұрыстан ел чемпионаты өтті
Шаһарда бокстан республикалық турнир бастау алды
Солтүстікқазақстандық бозкілем шеберлері чемпион атанды