Құрлық әскері әскери институты 12 мамандық бойынша офицерлер даярлайды. Командалық- тактикалық, мотоатқыштар, әуе-десант, танк әскерлері, азық-түлікпен , киім-кешекпен, қару-жарақпен қамтамасыз етуші офицерлер осы оқу орнынан еліміздің әскери бөлімдеріне жол тартады.
Қайрат Серкебаев, ҚР ҚК құрлық әскері әскери институтының оқытушысы:
-Біздің офицерлер ішкі әскерлерде , Ұлттық қауіпсіздік органдарында қызмет етеді.
Қайрат Серкебаевтың таныстыруы бойынша 40 жылдан аса елімізге офицер даярлайтын оқу орнының профессор- оқытушылар құрамы жақсы. Материалдық-базасы нығайтылған. Курсанттардың сапалы білім алып, физикалық даярлықтарын шыңдауға жағдай жасалған. Стипендиясы, демалысы да бар.
Қайрат Серкебаев, ҚР ҚК құрлық әскері әскери институтының оқытушысы:
-Бізге денсаулықтары жақсы, ЕНТ- ны жақсы тапсырған балалар керек.
Институт өкілі облыс орталығындағы мектептердің жоғары сынып оқушыларына әскери оқу орны туралы түсіндіріп, даярлық жүргізу кезеңдері туралы әңгімеледі.
Аслан Уәлиев, № 20 орта мектеп оқушысы:
-Мен білмеймін барам ба , бармаймын ба. Достарыма, туыстарыма айтып көрем.
Оқу орнына құжат тапсыру жергілікті әскери бөлімдерде ақпан айынан басталады.
Әсем Сембина