Электр шамдарының үнемі жанып тұруы қуат көзінің шамадан тыс жұмсалуына әкеп соқтырды. Соның салдарынан электр энергиясының тарифі де шарықтап шыға келді. 2008 жылы 1 киловаттың құны 5 теңге 6 тиын болса, 2010 жылы 7 теңгеге дейін жеткен. Мұның алдын алу мақсатында қалалық мәслихат депутаттары арнайы комиссия құрды. Бүгін тұрғын үй – коммуналдық шаруашылығы бөлімінің қызметкерлері, санитарлық-эпидемиологиялық қадағалау орталығы мен апаттық қызмет мамандары энергия үнемдеу жөніндегі өз ұсыныстарын жасады.
Боташ Хайнетов, қалалық тұрғын үй– коммуналдық шаруашылығы бөлімінің бастығы:
–Тарифтің өсуі қалалық бюджетке тым ауыр тиіп тұр. Сондықтан біздің қазіргі мақсатымыз – жарықтың сапасын дәл сол күйінде сақтай отырып, қуатты үнемдеу жолдарын қарастыру. Ол үшін ең алдымен 300 Вт прожекторлық шырақты 125-ке алмастыру керек. Қуаты 500 квт-тық шамдардың орнына натрийлік 250 киловатқты қою қажет.
Екінші жоспарда көше жарығын басқаратын блог орнату тұр. Ол мақсатқа жетуде ШНОТ – 2 КМ телемеханикалық шкафтары көмектеседі. Заманауи құрылғы жарықты жедел әрі автономды режимде жағады. Қазіргі таңда 180 трансформаторлық қосалқы станцияның 33-нде осындай шкафтар іске қосылды. Жақында тағы 15-і жұмыс істейтін болады.
Гүлден Сәрсенбаева