Полицейлердің саяжайшыларға көмегі

Құқық қорғау органдары

13:54 12 Тамыз 2010



Күз келісімен саяжайлар аумағында ұрлық фактілері жиі тіркеледі. Түн жамылып ұрлыққа келетіндер жеміс-жидекті ғана емес, түсті металды да қолды етеді. Маусымдық қылмыстардың алдын алу үшін тәртіп сақшылары рейдке шығып отыр.

 Анатолий Грицук, «Ренет» саяжай кооперативінің төрағасы:
– Қандай да бір қақтығыстар орын алғанда тәртіп сақшылары әрдайым көмекке келеді. Мәселен, жуырда жастар саяжайға демалуға келіп, бір-бірімен келіспей қалды. Полицейлер бірден тәртіп орнатып кетті.

Полицияның 2 аймақтық пунктінің аумағында 15 саяжай қоғамы бар. Сондықтан мұнда саяжай қылмыстары жиі тіркеледі.

 Денис Лебедев, Петропавл қ. ІІБ кәмелетке толмағандар істері жөніндегі инспектор:
 – Ойқала аумағында ұрлық фактілері мен тұрғылықты мекені жоқ азаматтарды анықтау үшін патрульдік полиция, атты взвод, көші-қон полициясы, учаскелік инспекторлар  мен кәмелетке толмағандар істері жөніндегі инспекторлар бірлескен тексерістер өткізеді.

Тәртіп сақшылары жүргізген рейд барысында полицияның аймақтық пунктіне 49 адам жеткізілді. Барлығының саусақ таңбалары дерекқорға алынып, 29 адам  фото-бейне есепке тұрғызылды. Үш заңбұзушы медициналық айықтырғышқа, тағы бесеуі үй-күйсіздерге арналған панажайға жеткізілді. Енді тәртіп сақшылар мұндай рейдтерді жиірек ұйымдастырмақ.
 

 

Жасын Біркенов

Бұдан әрі оқыңыз

Облыстық полиция департаментінің музейіне – 30 жыл
Жәбір көрген әйелдерге көмек көрсету
Қызылжар ауданында зейнеткерге қарақшылық шабуыл жасалды
«Әйелдерге қатысты зорлық-зомбылықсыз 16 күн» акциясы
Нашақорлыққа қарсы күрес шаралары
Алимент төлеуден жалтарғандар кұтылмайды
Аурухана есепшісі 20 млн теңге жымқырған
Заңды бұзған шетелдік нөмірі бар көлік иелері анықталып, жауапқа тартылады
Жеңіл көліктің алдыңғы әйнегін сындырып кеткен бұзақы ұсталды
Тұрғылықты мекені жоқ жандар арнайы мекемеге жеткізілуде
Петропавл-Жезқазған трассасында жеңіл көлік пен жүк көлігі соқтығысты
Нашақорлыққа қарсы күрес шаралары