Мұсылман күнтізбесі бойынша әр жылғы ораза алдыңғы ауыз бекітуден он күн бұрын ұсталады. Яғни биыл, Рамазан айының бірінші күні тамыз айының 11-іне сәйкес келіп, қыркүйектің 8-іне дейін 29 күн тұтылады. Ораза айы – бұған дейін жасаған істерді таразылап, адамзатты мейірімділікке, бауырмалдылық пен сабырлылыққа тәрбиелейтін, сондай-ақ кісі мінезіне мін келтіретін барлық жаман әдеттен айықтыратын ғибадат.
Қасымхан Абдоллаұлы, Қызылжар орталық мешітінің бас имамы:
-Бүгін кешке Рамазан айы туады. Біз мұсылмандар бүгін бірінші тарауық намазын оқимыз. Таңертең тұрып 4-ке дейін ауыз бекіту керек болады. Алла тағала Құранда былай деген. “Ей, Аллаға иман келтіргендер. Сендерге ораза ұстау парыз” деген.
Оразаның негізгі шарттары – тағамнан тыйылу, балағат сөз, өсек айтпау, жаман ойдан арылу. Оразаны әрбір мұсылман тұтуы керек. Бірақ ауыз бекіту парыз болып есептелмейтін адамдар тобы бар.
Қасымхан Абдоллаұлы, Қызылжар орталық мешітінің бас имамы:
-Ауру адамға, жазылмайтын ауруға, ұстап жүріп ауырып қалатындарға. Жол жүретін адам – мүсәпір. Барлық мұсылмандарға Рамазан айы мүбарак болсын.
Бүгін таңғы төртте ауыз бекітілгеннен кейін бірінші мерекелік таң намазы оқылады. Қасиетті айда бар мұсылман қауымының тілегі мен ниеті бір.
Тұрғындар:
-Исламның бес діңгегінің бірі – ораза тұту. Сосын барлығын құттықтаймын. Мүбарак болсын
– Алла ризашығы үшін ұстаймыз. Қолымыздан келетіні – ораза тұту.
-Бұл ай – мейірім айы. Бәріміздің қалайтынымыз – Алланың қазылығы. Әр мұсылман өзіне тілегенді бауырына тілейді.
Кәусар Аяпбергенқызы