Тамыздың ыстығында жағажайда жұрт көп

ТЖД

13:01 6 Тамыз 2010

 

Күн сайын 12 сағат бойы жағажайда демалушыларды құтқарушылар бақылайды.   Күнге күйіп, суға жүзгісі келетіндердің қатары әлі  қалың. Ал Есіл өзеніндегі қалалық жағажайда демалушылардың қауіпсіздігі үшін не бары 4 құтқарушы жауапты.

Виктор Держанский, СҚО ТЖД суда құтқарушы бас маманы:

-Бұл жұмыста ең қиыны – күнге шыдап тұру. Шекені қыздыратын ыстықта халықтың үстінен бақылау аса ауыр.

 

Құтқарушылардың айтуларынша, биыл суға кетіп қаза тапқандар саны  артып отыр. Биыл 39 адам суға батқан. Бұл былтырғыдан 3 адамға артық. Сондықтан құтқарушылардың материалдық жағдайы нығайтылған: компрессор, құтқару жилеті – бәрі де сақадай сай. Суға батқан адамды құтқару, алғашқы жедел жәрдем көрсету жөніндегі жаттығулар да жағажайда демалушылар арасында жиі өткізіліп тұрады.    Есіл өзені бойындағы суға түсуге рұқсат етілмеген орындар да  бақылауға алынған.  Мәселен, Ойқала  ауданындағы жағалауда суға түсуге болмайтынына қарамастан демалыс күндері жұрт көп жиналады. Ал мұнда құтқарушылар тобы жұмыс істемейді, демалушыларға ешқандай жағдай жасалмаған, айнала шашылып жатқан қоқыс. Дегенмен, демалушылар оған назар аударып жатқан жоқ.

Демалушылар:

-Мен малту білемін, сондықтан қорықпаймын

-Күнде алысқа бара бермейміз ғой, жақын болған соң осында келеміз.

 

Гүлден Сәрсенбаева

Бұдан әрі оқыңыз

Петропавлда өрт шыққан үйден 3 адам құтқарылды
Пиротехникалық заттарды дұрыс қолданған жөн
Қауіпсіздік шараларына мән берген жөн
Құтқарушылар рейдтік шаралар өткізіп жатыр
Төтенше жағдайлар департаментінде азаматтарды қабылдау өтеді
Өңірде өрт оқиғалары әлі сейілмей тұр
Құтқарушылар қауіпсіздік шараларын еске салды
Демалыс күндері орын алған төтенше жағдайлар
Петропавлда жер үйден өрт шықты
Өрттен 40 жастағы тұрғын қаза тапты