Екі әдебиет қарым-қатынасының ең дамыған шағы 19-20 ғасырлар. Славян жазуы мен мәдениеті күніне арналған ғылыми-практикалық конференцияда екі ұлттың ақын-жазушылары арасындағы байланыс, шығармашылық үндестік тақырыбы көтерілді.
Кемел Оспанов, СҚО тілдерді дамыту басқармасының бастығы:
-Конференцияның мақсаты – екі елдің классиктерін насихаттау. Солардың шығармаларын келесі ұрпаққа жеткізу.
Абай мен Пушкин, Шәкәрім мен Толстой шығармаларындағы байланыс тақырыптарына мектеп мұғалімдері баяндамалар жасап, әдеби шығармалар талданды. Екі елдің ақын-жазушыларына ортақ тақырыптар мол. Туындылары үндестік тауып жатады. Шығармалардағы көтерілген мәселелермен қатар стиль ұқсастығын да айқын көруге болады.
Раушан Фазылова, № 2 Чкалов орта мектебінің мұғалімі:
-С.Мұқанов пен Горькийдің күрес тақырыбын қалай ашқандығын салыстырдым. Қазақ мектебінде орыс тілінен сабақ беремін. Жаңа ғасырдың адамдары екі тілді қатар білулері керек деп ойлаймын.