Еске сала кетсек, Жанна Кәрімоваға қатысты “алаяқтық” фактісі бойынша қылмыстық іс былтыр қозғалған болатын. Өткен жылдың қараша айында сот оны 7 жылға бас бостандығынан айырды. Ол таныстары мен әріптестерінен қарызға үлкен көлемде ақша алып, жылдар бойы қайтармаған. Жәбірленушілердің саны 14 болған, биыл олардың қатары төртеуге толықты. Енді бұрынғы мемлекеттік қызметшіге жаңа үкім шықты. Соттың былтыр шығарған үкіміне биылғы жылғыны қосқанда қылмыскер барлығы 7 жыл 6 айға бас бостандығынан айырылды. Сондай-ақ, кінәлінің барлық жеке мүлкі тәркіленеді.