Ұлттық университет білімді жастарды іріктеуде.

МТРА жаңалықтары

15:00 27 Ақпан 2010

Мықтының мықтысын анықтайтын  бұл білім додасына былтыр   облыстан 150-ге жуық оқушы шыққан еді, биыл олардың қатары 3 еседей артып отыр.  Биылғы олимпиадаға қалалық  жеткіншектермен қатар Аққайың, Ғ.Мүсірепов аудандарының оқушылары да белсене атсалысуда.

Кенжетай Күркебаев, филология ғылымдарының кандидаты:
-Интеллектуалдық капиталды өсіру үшін олимпиада ұйымдастырып отырмыз. Көптеген жеңілдіктер бар. Жоғары балл жинағандар ЖОО ректорының университет ішіндегі грантына ие бола алады. Біздің оқу орнымыз әлемдік білім жүйесіне енді.

Ғылымға  бейім жастардың білімі 14 пәннен тест бойынша сыналады.    2 сағаттай уақытта барлық сұрақтарға дұрыс  жауап беріп үлгеру керек.   

 

Қазбек Шөпшібаев, биология ғылымдарының кандидаты:
– Бұл білім сайысының жастарға берер пайдасы зор. Себебі ҰБТ өткеннен кейін ұпайлары теңесіп қалған талапкерлер арасында грантты бөлу кезінде олимпиадаға қатысқандардың мүмкіндігі молырақ болады. Білім сайысында аса ерекшеленген жастар үшін қосымша гранттар бөлінеді.

 Білім сертификатымен марапатталған оқушылар  ҚазҰУ студенттерінің қатарын толықтырады.  Бүгін таңертең 280 оқушы сынақтан өтті. Жастар олимпиаданың маңыздылығын жақсы түсінеді және берілген мүмкіндіктен қағылып қалмауға тырысамыз дейді.


Әйгерім Нүрибекова,  Әбу Досмұхамбетов атындағы облыстық дарынды балаларға мамандандырылған гимназия-интернат оқушысы:
-Алдыңғы жылы көп оқушыларымыз грантқа ие болған болатын. Біз де грант аламыз деп үміт артып отырмыз.

Күнсұлу Шаймерденова,  ӘбуДосмұхамбетов атындағы облыстық дарынды балаларға мамандандырылған гимназия-интернат  оқушысы:
-Әл-Фараби атындағы ҚазҰУ  – ең жоғары оқу орны. Сондықтан сол ЖОО таңдадым. Ағылшын тілін таңдадым. Халықаралық қарым-қатынас саласында еңбек еткім келеді. Сертификатқа ие боламын деп үміттенемін.


Сыннан сүрінбей өткендердің есімдері ҚазҰУ сайтында жарияланады .  
 

Бұдан әрі оқыңыз

Өңірден Сенат депутаттығына тағы бір кандидат тіркелді
Мемлекеттік қызметкерлер облыстық онлайн байқауға қатысты
Заманауи аялдамалардың әйнектері ауыстырылуда
12 тамызда Сенат депутаттарының сайлауы өтеді
Солтүстікқазақстандықтар Елбасының алғыс хатымен марапатталды
Маусымның 28-і – БАҚ қызметкерлерінің күні
Кадрлық ауыс-түйіс
ҰҰ Әскери институтын биыл 219 офицер тәмамдады
Мемлекеттік қызмет көрсетудің сапасын арттыру
Ауылды көркейтуге үлес қосқан серіктестік
Өңірде заңсыз аң аулау фактісі тіркелді
Шаһар аулаларының бірінде алғашқы бөлек автотұрақ жасалды