Солтүстікқазақстандық эстрада және джаз музыкасы оркестрінің құрылғанына 10 жыл толды.

МТРА жаңалықтары

14:45 27 Ақпан 2010

Осыдан он жыл бұрын  филармония директоры болған Геннадий Брюханов оркестр құруды ұсыныпты. Бұл ой көп ұзамай іске асты. Мәдениет басқармасы қаржы бөліп, оркестр құрамы жасақталды. 2000 жылғы ақпанның 23-інен эстрада және джаз музыкасы оркестріне музыканттар қабылданды.  Ұрмалы аспапта ойнайтын Рашид Сұлтанов оркестр құрылғалы осы ұжымда.

 

Рашит Сұлтанов, эстрада және джаз музыкасы оркестрінің музыканты:
– Осы уақытта біраз жолдан өттік. Қолдарына осында келіп аспап алғандар да бар. Бірақ негізгі құрам – кәсіби музыканттар. Олар өзгелерге музыканың күрделілігін үйретуде.


Джаз оркестрінде өнер көрсету Рашид Сұлтановтың бала күнгі арманы екен.  

 

Рашит Сұлтанов, эстрада және джаз музыкасы оркестрінің музыканты :
– Лампалы теледидардан джаз концертін көріп, осы өнерді ұнаттым. Оркестрде өнер көрсетуді армандадым. Бұл арман орындалды. Оркестрді құрдым, өнер көрсетемін, бақытты музыкантпын.


Оркестрдің көркемдік жетекшісі Геннадий Брюханов 10 жыл ішінде көп жұмыс атқарылды дейді. Алғашында тек 30-50 жылдардағы дәстүрлі джаз туындылары орындалды. Кейін басқа жанрдағы шығармалар көбейді. Ұжым былтыр қараша айында Ақтөбе қаласында өткен джаз музыкасы фестивалінде алғашқы үштіктен көрінді. Биыл жазда Алматыда өтетін фестивальда өнер көрсету жоспарда бар.

Геннадий Брюханов, эстрада және джаз музыкасы оркестрінің көркемдік жетекшісі :
– Әрқашан шығармашылық ізденістеміз. Тыңдаушымызды куантарлық туындылар іздейміз. Біраз жоспарларымыз бар. Жеке орындаушыларымыз өнер көрсетіп жүр.


Музыканттар көрерменіне мерекелік көңіл-күй сыйлап, уақыт өтсе де мәні мен маңызын жоғалтпайтын хас өнерден шашу шашып, зал толы көрерменнің көңілінен шыға білді.

Бұдан әрі оқыңыз

Еріктілер ұйымдары бірлесе жұмыс істемек
Петропавлда су құбыры жарылды
Өңірдегі тұрғын үй қорының ауқымы
Петропавлда алғашқы қар жауды
Телефон нөмірін тіркемеген қазақстандықтар байланыссыз қалды
СҚО-да “Цифрландыру күндері” аяқталды
Облыс әкімі Мамлютка қаласында қоғамдық қабылдау өткізді
Аймақ басшысы шаһарда қоғамдық қабылдау өткізді
СҚО-да жел күшейеді
Петропавл халықаралық әуежайында “Ашық аспан” режимі енгізілді
Аймақ басшысы Қызылжар ауданында қоғамдық қабылдау өткізді
Алдағы екі күнге арналған ауа райы мәліметі