Петропавлдағы Жамбыл көшесіндегі цехте ет өнімдері заңсыз өндірілген. Пысықай кәсіпкер үйрек етін сатып алып, оны өңдеп, «Белорусский продукт» брендімен қаптап, қала базарлары арқылы саудалаған. Заңсыз өндірісті ұйымдастырған – 41 жастағы қала тұрғыны. Ол әкімшілік жауапкершілікке тартылды. Сонымен қатар, құқық бұзушыны ветеринариялық инспекция қызметкерлері тиісті нормаларды бұзғаны үшін жауапқа тартты. Полицейлер тұрғындарды азық-түлік сатып алу кезінде мұқият болуға, брендтік өнімдерді фирмалық дүкендерден алуға және тауардың заңдылығын растайтын құжаттарды талап етуге шақырады.
Байболат Култанов