Теріскейлік ауыл балалары Алматыда IQanat олимпиадасына қатысып жатыр. Сайыстың финалдық кезеңіне 40-қа жуық ұл-қыз аттанған. Оларды жақындары жуырда теміржол вокзалынан шығарып салды. Жеңімпаздар Бурабайдағы IQanat мектеп-интернатында тегін оқиды. Қалғандары олимпиаданың үшжылдық дайындығына қатысады. IQanat – көпбалалы және толық емес отбасылардан шыққан балаларды қамтитын әлеуметтік-білім беру жобасы. Жоба нәтижесінде оқушылар қазақстандық және шетелдік университеттердің грант иегерлері атана алады.
ӘСЕМ ҚУАТБЕК, оқушы:
– Бізге дода көптеген мүмкіндік береді және достарды табуға, саяхаттауға көмектеседі.
АЙНҰР АМАН, оқушы:
– Көңіл күйім өте жақсы, себебі, 3-ші турға өту бұл барлығының қолынан келе бермейді деп ойлаймын. IQanat барлық балалардың армандарын орындайтын мекен деуге болады.
Мәдина Қаби