Өңірде теріскейліктерге тиімді ауыл шаруашылығы жәрмеңкесі жалғасуда! Солтүстікқазақстандық тауар өндірушілердің қатысуымен әр сенбі сайын Петропавлдың «Алтын Арман», «Қызылжар Ақбастау» және «Дәрия» базарларында сауда қызады. Сөреге табиғи таза 25-ке тарта өнім түрі қойылады. Олардың құны нарықтағыдан 10-15% төмен. Сандарды сөйлетсек, жыл басынан бері облыс орталығында 57 жәрмеңке өтіпті. Онда жалпы құны 120 млн теңгеден асып жығылатын 92,5 тонна тауар сатылған. Тұрғындар таңдау жасаған өнімнің басым бөлігі – ет. Сонымен қатар, биыл аймақтың аудандарында 47 жәрмеңке ұйымдастырылды.