Жол активтері сапасының ұлттық орталығы елімізде қазірдің өзінде 18,6 мың шақырымнан астам автожол цифрландырылғанын хабарлады. Орталықтың баспасөз қызметі бұл цифрландыру бірқатар перспективалық мүмкіндіктер ашатынын атап өтті. Жолдардың жай-күйі туралы ақпарат енді геоақпараттық жүйе (ГАЖ картасы) арқылы қол жетімді, бұл деректерге қол жеткізудің ашықтығы мен ыңғайлылығын қамтамасыз етеді.
Пайдаланушылар көрсеткіштерді қажеттіліктерге сәйкес реттей алады, сонымен қатар деректерді негізделген шешімдер қабылдау және жөндеуді жоспарлау үшін пайдалана алады. Бұл деректер мемлекеттік мекемеге мемлекеттік тапсырманы қалыптастыру және жөндеуге жолдардың нақты қажеттіліктерін ескере отырып, бюджет қаражатын бөлу үшін де беріледі.