Шілде айы жоғары температурамен басталды. Бірінші онкүндіктің ортасында ауа температурасы 33 градусқа дейін жоғарылайды. Кейін 27 градусқа дейін біртіндеп төмендейді дейді мамандар.
ГҮЛЗАТ ҒАЗИЗОВА, “Қазгидромет” РМК СҚОФ бөлім басшысы:
– Екінші онкүндіктің басында ауа температурасы түнде 17-22 градус жылы, күндіз 28-33 градус жылы күтіледі. Кейін ауа температурасы түнде 10-15 градус жылыға, күндіз 20-25, облыстың оңтүстігінде 28 градус жылыға дейін төмендеуі болжанады. Онкүндіктің соңында ауа температурасының жоғарылауы күтіледі.
Жалпы, бұл жолы шілде айы құбылмалы болмақ. Бір айда түсетін жауын-шашын мөлшері нормадан көп болады деп күтілуде. Өткінші жаңбыр, найзағай мен жел осы айдың ішінде жиі қайталанады.
ГҮЛЗАТ ҒАЗИЗОВА, “Қазгидромет” РМК СҚОФ бөлім басшысы:
– Үшінші онкүндікте ауа температурасы түнде 8-13 градус жылыға дейін, күндіз 19-24 градус жылыдан 25-30 градус жылыға дейін ауытқиды.
Шіліңгір шілде теріскейліктерге аса қолайсыздық тудырмайды. Жағажайға барып, суға түсуге керемет мүмкіндік.
Акжунис Мухатай