Мәжіліс депутаты Альберт Рау Қазақстандықтардың мүмкіндіктерін кеңейту бөлігінде ел дамуының маңыздылығын атап өтті.
“Саяси реформалар процесі, азаматтардың құқықтары мен бостандықтарын кеңейту, барлығына тең мүмкіндіктер жасау жалғасуда. Қазақстан басқаларға сенімді үлгі көрсете отырып, қоғамның билікке бақылауын күшейту жолымен жүріп жатыр, дегенмен біз Шығыс пен Батыстың көптеген елдерінде мүлдем басқаша көріп отырмыз. Біз азаматтардың мүмкіндіктерін дәйекті түрде кеңейтіп жатырмыз”, – деді Альберт Рау ҚХА XXXII сессиясының пленарлық бөлімінде.
Оның айтуынша, Мәжіліске келіп түскен кезекті заң жобасы-Мемлекет басшысының тапсырмасы бойынша әзірленген жергілікті өзін-өзі басқару туралы заң жобасы, азаматтардың жергілікті жерлердегі мәселелерді шешуге қатысу мүмкіндіктерін кеңейтуге және өзін-өзі басқару органдары ретіндегі мәслихаттардың рөлін күшейтуге тиіс.