Петропавлдықтар үшін белорустық аяқ киімдердің жәрмеңкесі қайта ашылды. Қала тұрғындарының назарына көктем мен жазға арналған тауарлардың мол ассортименті ұсынылған. Сапалы аяқ киім іздеген жандар үшін жәрмеңке сәуірдің 30-ына дейін жалғасады.
АЛЕНА СОТСКОВА, сату жөніндегі менеджер:
– Жәрмеңкеде қысқы аяқ киімдер де бар. Оларға 30% жеңілдік қарастырылған. Тауарлардың бағасы 10 мыңнан басталады. Олардың барлығы былғарыдан, қой терісінен тігілген. Өнімдеріміз көптің көңілінен шығып жатыр.
Бұл жолы көпшілік назарына 500 жұп аяқ киім қойылған. Оның 200-ге жуығы жазғы. Тауардың басым бөлігі – ортопедиялық. Жалпы, белорустық аяқ киімдер зейнеткерлер арасында аса сұранысқа ие.
АЛЕНА СОТСКОВА, сату жөніндегі менеджер:
– Жәрмеңкеде сырт киімдер де бар. Өлшемдері 40-тан 70-ке дейін. Бағалары қолжетімді. Осы ретте айта кетейін, қысқы тондарға 50% жеңілдік қарастырылған.
Жәрмеңке Жамбыл Жабаев көшесі, 82А мекен-жайында, дәлірек айтсақ, “Теннис” орталығында қанат жайған. Тұрғындар таңғы 10-нан кешкі 19:00-ге дейін өздеріне ұнаған өнімді сатып ала алады. Айта кетейік, бұған дейін Қостанайда болған саудагерлер Петропавлдан кейін Павлодарға жол тартпақ.
Гульден Симбаева